ملیۆنه‌ك و 310 هەزار گه‌شتیار هاتينه کوردستانێ
كوردستان تيڤى:
ده‌سته‌ى گه‌شتوگوزراى حكومه‌تى هه‌رێم كوردستان رایده‌گه‌یه‌نێت، له ماوه‌ى شه‌ش مانگى یه‌كه‌مى ئه‌مساڵ، یەک ملیۆن و 310 هەزار گه‌شتیار هاتونه‌تە هەرێمی کوردستان.
نادر رۆستى، وته‌بێژى ده‌سته‌ى گه‌شتوگوزارى هه‌رێم له‌راگه‌یه‌نراوێكدا رایگه‌یاندووه، له 1-1-2018 تا 1-6-2018 یەک ملیۆن و 310 هەزار گه‌شتار هاتونه‌تە هەرێمی کوردستان، لە سه‌دا 82 گه‌شتیار لە خواروو ناوەراست و لە سه‌دا 13 یان لە ئێران و لە سه‌دا 5 یان لە وڵاتانی بیانی هاتوون.
وته‌بێژى ده‌سته‌ى گه‌شتوگوزارى هه‌رێمى راشیگه‌یاندوه، بەهۆی داخرانی فڕۆکەخانەکان و دابەزینی دراوی ئێرانى و هەبوونی رسومات لەسەر گەشتیاری ئێرانی، گەشتیاری ئێرانى و بیانی لەو شه‌ش مانگەى یه‌كه‌مى ئه‌مساڵ كه‌مى كردووه.
ئه‌وه‌شى خستۆته‌روو، بە شێوەیەکی گشتی بەراورد بە شه‌ش مانگی سه‌ره‌تاى ساڵى رابردوو ژمارەی گەشتیاران زۆر زیادی کردووە.
تُتاح هذه الصورة أيضا في: کوردی