ئۆرسۆلا فۆندێرلاین و نێچیرڤان بارزانی كۆمبوون
WAAR-دهۆك:
وهزیرا بهرگرییا ئهلمانیا شڤێدی ب سهرهدانهكا فهرمی گههشتهههولێرێ و ئهڤرۆ دگهل سهرۆكوهزیرێ ههرێما كوردستانێ كۆمبوو.
نێچیرڤان بارزانی ئهڤرۆ ل ههولێرێ پێشوازی ل ئۆرسۆلا فۆندێرلاین و شاندێ د گهل دا كر، گۆتوبێژ لدۆر ههماههنگییا سهربازی و پهیوهندیێن د ناڤبهرا ههرێما كوردستانێ و ئهلمانیا داكرن، وهزیرێ پێشمهرگهی ب وهكالهت، بهرپرسێ پهیوهندیێن دهرڤه یێن ههرێمێ و سوپا سالارێ پێشمهرگهی بهرههڤی كۆمبوونێ بوون.
نێچیرڤان بارزانی پهسنا هاریكارییا وهلاتێ ئهلمانیا كر كو د شهرێ داعشێ دا هاریكارییا هێزێن پێشمهرگهی كرییه.
ژ ئالیێ خوهڤه، وهزیرا بهرگرییا ئهلمانیا، بهحسا بهرنامێن مهشقا هێزێن پێشمهرگهی كرییه و بهردهوامییا وان ژی ب گرنگ ب ناڤكر.
ئۆرسۆلا فۆندێرلاین د دهما 4 سالێن بۆری دا، چهندین جاران سهرهدانا ههرێما كوردستانێ كرییه، ئهلمانییا ژی ژ وهلاتێن ئێكهم بوو، چهك و هاریكاریێن سهربازی گههاندینه ههرێما كوردستانێ و ب درێژاهییا شهرێ دژی داعشێ پشتهڤانی ل هێزێن پێشمهرگهی كرییه.
تُتاح هذه الصورة أيضا في: کوردی