كچهكا كوردا ئێزدى ل پارێزگهها رومادى دئێته ئازادكرن
باسنيوز:
كچهكا كورد یا ئێزدى كو خهلكا گۆندێ كۆچو یه، ل پارێزگهها رۆمادى یا عیراقى دهێته ئازادكرن، پشتى چوار سالێن رهڤاندن و ئێخسیریێ و ژیانا تهپهسهریێ.
حسێن قائیدى، رێڤهبهرێ نڤیسینگهها رزگاركرنا رهڤاندیێن ئێزدى ل ههرێما كوردستانێ، بۆ (باسنیوز) دیار كر، كچهكا ئێزدى یا تهمهن 12 سالى ئهڤرۆ ل پارێزگهها رۆمادى یا عیراقى دهێته رزگاركرن، پشتى چوار سالێن رهڤاندنێ و ئێخسیریێ كو ل دهمێ رهڤاندنێ ژیێ وێ ب تنێ ههشت سال بوون و نها ژیێ وێ بوویه 12 سال و ئهڤ كچه خهلكا گۆندێ كۆچو بوویه، ئهو گۆندێ خهلكێ وێ ههموو ژلایێ تیرۆرستێن داعشێ ڤه هاتینه كۆشتن و تیرۆركرن.
ل دهمێ كارهساتا شنگالێ ل 3/8/2014، تیرۆرستێن داعش نێزیكى 6400 كچ و كۆر و زارۆ و زهلام و ژنێن ئێزدى رهڤاندن و ههتا نها نێزیكى 3300 ژ وان هاتینه ئازادكرن و یێن مایى هێشتا د بهرزهنه.
تُتاح هذه الصورة أيضا في: کوردی