ئەمریکا: ئیرانێ 16 ملیار دۆلار ل تیرۆرێ مەزاختینە
WAAR-دهۆك:
وەزارەتا دەرڤە یا ئەمریکا راگەھاند؛ د گەل دەستپێکرنا قۆناغا دوێ یا سزایێن ئەمریکا، تەھرانێ پارەیەکێ مەزن بۆ چالاکیێن پشتەڤانییا تیرۆرا جیھانێ مەزاختینە.
وەزارەتا دەرڤە یا ئەمریکا ب رێیا تیمێ خوە یێ ئەلیکترۆنی ل سەر تۆرا تویتەری راگەھاند؛ ژ سالا 2012ێ و تا نھا ئیرانێ 16 ملیار دۆلار ل چالاکیێن تیرۆرستی مەزاختینە، ئەو پارە ژی ب رێیا رێککەفتنا ئەتۆمی بدەست خستینە.
ئاشکرا ژی کر، ل شوونا رژێما ئیرانێ وی پارەی بۆ باشترکرنا رەوشا وەلاتیێن خوە ب مەزێخیت، بۆ تێکدانا رەوشا رۆژھەلاتا ناڤین مەزاختینە، ئەو ژی ب رێیا میلیشیایێن خوە ل دەڤەرێ وەکو حزبوللایا لوبنانی کو سالانە حەفسەد ملیۆن دۆلاران بۆ دهنێریت.
تُتاح هذه الصورة أيضا في: کوردی