جڤاتا ئاساییشا هه‌رێمێ ئامارا مه‌هه‌كا كریارێن تیرۆرستی به‌لاڤ كر
WAAR-دهۆك:
جڤاتا ئاساییشا هه‌رێما كوردستانێ ئامارا مه‌ها بووری یا كریارێن تیرۆرستی یێن رێكخستنا داعشێ به‌لاڤ كرن.
ل گۆره‌ى ئامارا جڤاتا ئاساییشێ، كو ل سه‌ر تۆرا جڤاكی یا تویته‌رێ هاتیه به‌لاڤكرن، هێرشێن تیرۆرستی ب رێیا تومبێلێن مینرێژكری ل كه‌ركووك و مووسلێ دوباره سه‌رهلدایه، تیرۆركرنا موختارێن گوندان و ژناڤبرنا وه‌ستگه‌هێن كاره‌بایێ ژی به‌رده‌وامن.
دیار ژی كرییه: ب درێژاهییا مه‌ها بووری داعشێ چل هێرش ب رێیا بۆمبه‌یێن چاندی كرینه و تێدا تومبێل و زالگه‌هێن پۆلیسێن فدرالی و بنگه‌هێن سه‌ربازی و كه‌ساتیێن سه‌ر ب حه‌شدێ ڤه و وه‌لاتیێن سڤیل كرینه ئارمانج.
تُتاح هذه الصورة أيضا في: کوردی