خۆلا پێنجێ یا پهڕلهمانێ كوردستانێ ئێكهم كۆمبوونا خۆ كر
WAAR-دهۆك:
خولا پێنجێ یا پهڕلهمانێ كوردستانێ ئهڤرۆ ئێكهم كۆمبوونا خوه كر و پهڕلهمانتاران سووندا یاسایی خوار و ل سهر داخوازا پترییا ئالییان، روونشتن ب ڤهكری ما.
پهیامنێرێ وار ل ههولێرێ راگههاند؛ ئهڤرۆ خولا نوو یا پهڕلهمانێ كوردستانێ ئێكهم كۆمبوونا خوه كر و رێڤنگ هرووری ئهندامێ فراكسیۆنا پارتی، وهكو مهزنترین پهرلهمانتار سهرۆكاتییا روونشتنێ كر.
گۆت ژی: د روونشتنێ دا تنێ پهڕلهمانتاران سووندا یاسایی خوار، پاشان ل سهر داخوازا پترییا ئالیێن سیاسی، روونشتن ب ڤهكری ما، تاكو ئالیێن سیاسی ل سهر ههلبژارتنا دهستهیا سهرۆكاتیێ رێكدكهڤن.
ل گۆرهیی زانیاریێن وار، پارتییا دیموكرات یا كوردستانێ، كو سهركهفتییا ئێكێ یا ههلبژارتنایه، دخوازیت پێكهاتهیێن سهرۆكاتیێن پهڕلهمان و حكومهتا نوو ب ئێك پاكێج بهێنه ئێكلا كرن.
ههڤدهم قوباد تالهبانی سهرۆكێ لیستا ئێكهتیێ و شاسوار حازم، سهرۆكێ لیستا نهوهی نوێ، پشكداری روونشتنا ئهڤرۆ نهبوون و سووندا یاسایی نهخوارن.
تُتاح هذه الصورة أيضا في: کوردی