پشتەڤانی بۆ سترانبێژێن بەهرەمەند نینە
تۆرا لالش یا راگەهاندنێ
سترانبێژەكی بەهرەمەند یێ خەلكێ كۆمەلگەها شاریا ئاشكەراكر كو پشتەڤانیا مادی و مەعنەوی بۆ هۆنەرمەند و سترانبێژێن ناڤدار هەیە،لێ بۆ گەنجێن بەهرەمەند نینە.
سترانبێژێ بەهرەمەند(بژار ئەكرەم) بۆ رۆژناما دەنگێ لالش ئاشكەراكر،ل تەمەنێ(13)سالیێ دا دەست ب گۆتنا سترانان كریە و ل ئاهەنگ و سەیرانێن قوتابخانان و داوەتان گۆتینە و هەتا نهۆ بەردەوامم،هەروەسا سێ ستران تۆماركرینە و چوو كلیپ چێنەكرینە،هیڤیدارن هاریكاریا سترانبێژێن بەهرەمەند ژی بێتە كرن چنكو دبینن پشتەڤانیا مادی و مەعنەوی بۆ هۆنەرمەند و سترانبێژێن ناڤدار هەیە و بۆ یێن گەنج نینە.
بژاری ئەو چەندە ژی دیاركر،پتر حەز ژ سترانێن فلكلۆری و سترانبێژێن كەڤن یێن فلكلۆری دكەم،نهۆ ژی خۆ فێری ژەنینا ئامیرێ ئۆرگ و بزقێ دكەم،دیسان لبەرە كلیپەكێ ل سالا( 2019)دا چێكەم.
تُتاح هذه الصورة أيضا في: کوردی