30 خیڤەتێن ئاوارەیێن كەمپا شێخان بن ئاڤ دبن
باسنيوز:
ژ ئەنجامێ بارانبارینێن زۆر ل قەزا شێخان، زیانێن مەزن ب ئاوارەیێن كەمپا شێخان دكەڤن و نێزیكی 30 خیڤەتێن ئاوارەیان بن ئاڤ دبن.
باسم شنگالی، ئێك ژ موختارێن ئاكنجیێن كەمپا شێخان كەرتێ 4، بۆ (باسنیوز) دیار كر، ل شەڤا دەربازبووی و هەتا سپێدێ، بارانێن زۆر ل قەزا شێخان و پارێزگەها دهۆكێ بارین و ئەڤە ژی بوو ئەگەر كو زیانێن مەزن ب كەمپێن ئاوارەیان كەفتن و نێزیكی 30 خیڤەتێن كەمپا شێخان یێن ئاوارەیێن كوردێن ئێزدی بن ئاڤ بوون و ئاڤ چوویە د ناڤ كەل و پەلێن وان دا و ژ ناڤ چووینە.
ئاشكرا ژی كر كو خۆشبەختانە چو زیانێن گیانی پەیدا نەبووینە، بەلێ مە داخواز ژ كارگێریا كەمپا شێخان كریە د هەوارا مە بهێن و هندەك خیڤەت و كەلوپەلێن نوو بۆ مە دابین بكەن.
رائیدێ مافەروەر بێوار عەبدولعەزیز، پەیڤدارێ رێڤەبەریا بەرەڤانیا باژێری ل پارێزگەها دهۆكێ بۆ (باسنیوز) دیار كر، تیمێن بەرەڤانیا باژێری ل قەزا شێخان ل دەمێ لافاوێ دەم ل دەست گەهشتینە جهێ روودانێ و شیاینە كونترۆلێ ل سەر زیانان بكەن و خەلكی ژ لافاوان بپارێزن.
تُتاح هذه الصورة أيضا في: کوردی