رهڤاندیێن ئێزدى ل مووسل بهردهوام تووشى توند وتیژيێ دبن
باسنيوز:
ئهندامهكى جڤاتا پارێزگهها مووسل دیاركر:” ههتا نوكه دناڤ خێزانیێن مووسلێ دا رهڤاندیێن ئێزدى ههنه وبهردهوام تووشى توند وتیژیى دبن درۆژا جیهانیا بهرههنگاریا توند وتیژیى دا دخوازین رهڤاندیێن ئێزدى بهێنه رزگاركرن”.
خهلیل شهمۆ، ئهندامێ جڤاتا پارێزگهها مووسل بۆ(باسنیوز) دیاركر:” گهلهك حالهت ههبووینه وكچێن رهڤاندى یێن ژ ناڤ مالان هاتینه رزگاركرن ههتا نوكه سهدان رهڤاندیێن ئێزدى ههنه بهردهوام تووشى توند وتیژیى دبن دناڤ هندهك خێزانیێن مووسلێ دا پێدڤیه ههموو ههولدان بهێنه كرن ب شیوهیهكى بهرفرههتر كارى لسهر رزگاركرنا رهڤاندیێن ئێزدى بهێته كرن ئهو خێزان ب توندى بهێنه سزادان یێن رهڤاندیێن ئێزدى دناڤ مالێن واندا ههبن”.
حلا سفیل، كچهكا ئێزدى یه بۆ دهمێ سیى سالان دهستێ داعشێ دا مایه بۆ (باسنیوز) دیاركر:” سى سالان تیرۆرستێن داعش ئهز ئهشكهنجهدام و وسڤكاتیى ب مه كرن د رۆژا جیهانیا بهرههنگاریا توند وتیژیى دا ئهم داخوازى دكهین ههموو دهولهتیێن جیهانێ بهێنه سهر خهتى وپێكڤه كارهكى بۆ رزگاركرنا رهڤاندیێن ئێزدى بكهن”.
خۆدیدا مستۆ حهجى ئێك ژ ئاكنجین قهزا شنگال بۆ (باسنیوز) دیاركر:” ههتا نوكه ژى چارهنڤیسى سێ كچ وههڤژینا من دیارنینه ئهم داخوازى دكهین ههولدانێن مهزنتر بهێنه كرن بۆ رزگاركرنا ههموو رهڤاندیێن ئێزدى بتنى نڤیسینگهها سهرۆكێ حكومهتا ههرێمێ گهلهك ههڤكارى و پشتهڤانیا ئێزدیان كریه بۆ رزگاركرنا كچ وژنێن رهڤاندى”.
تُتاح هذه الصورة أيضا في: کوردی