شاندەکێ ھەرێمێ ژبەر کەرکووکێ دێ چیتە بەغدا
WAAR-دهۆك:
بەرپرسەکێ پارتی دیمۆکراتی کوردستان راگەھاند؛ شاندەکێ تایبەتێ ھەرێما کوردستانێ دێ سەرەدانا بەغدا کەت و رەوشا کەرکووکێ گۆتوبێژ کەت.
د. محەمەد خۆرشید، ئەندامێ سەرکردایەتییا پارتی و بەرپرسێ لقێ چار ل کەرکووکێ راگەھاند؛ بریارە چەند رۆژێن بھێن شاندەکێ تەکنیکی و سیاسی و ئیداری یێ ھەرێما کوردستانێ سەرەدانا بەغدا بکەت و رەوشا ئەمنی و سەربازی یا پارێزگەھا کەرکووکێ د گەل بەرپرسێن حکومەتا فیدرال گۆتوبێژ بکەت.
گۆت ژی: د سەرەدانا سەرۆک بارزانی دا بۆ بەغدا و دانوستاندنێ د گەل بەرپرسێن ئیراقی دا، بریار ھاتیە دان لژنەیەکا تایبەت ژ ھەرێمێ سەرەدانا بەغدا بکەت و رەوشا ئەمنی و سەربازی یا پارێزگەھا کەرکووکی گۆتوبێژ بکەن.
تُتاح هذه الصورة أيضا في: کوردی