مه‌سروور بارزانی: ده‌رفه‌تا چاره‌كرنا كێشه‌یێن هه‌ولێر و به‌غدا هاتییه پێش
WAAR-دهۆك:
به‌ربژارێ پارتی یێ پێكئینانا حكومه‌تا نوو یا هه‌رێما كوردستانێ راگه‌هاند؛ ده‌رفه‌ته‌كا نوو ژبۆ ڤه‌كرنا لاپه‌ره‌یه‌كێ نوو و چاره‌كرنا هه‌موو كێشه‌یێن هه‌ولێر و به‌غدا هاتییه پێش.
مه‌سروور بارزانی، شیره‌تكارێ جڤاتا ئاساییشێ و به‌ربژارێ پارتی یێ پێكئینانا حكومه‌تا نوو یا هه‌رێمێ، ئه‌ڤرۆ پێشوازی ل یان كۆپیچ، هنارتیێ تایبه‌تێ سكرتێرێ نه‌ته‌وه‌یێن ئێكگرتی بۆ ئیراقێ كر و باس ل كێشه‌یێن هه‌لاویستی و پاشه‌رۆژا په‌یوه‌ندیێن هه‌ولێر و به‌غدایێ كر.
مه‌سروور بارزانی، پشته‌ڤانییا هه‌رێما كوردستانێ بۆ سه‌رۆكوه‌زیرێ نوو یێ ئیراقێ راگه‌هاند و دیاركر، ده‌رفه‌ته‌كا نوو بۆ ڤه‌كرنا لاپه‌ره‌یه‌كێ نوو و چاره‌كرنا هه‌موو كێشه‌یێن هه‌ولێر و به‌غدا هاتییه پێش.
یان كۆبیچی ژی، خوه‌شحالییا خوه ب بریارا پارتی یا به‌ربژاركرنا مه‌سروور بارزانی نیشاندا و هیڤیا سه‌ركه‌فتنێ بۆ خواست و راگه‌هاند؛ كارێ ده‌ستپێكی یێ نه‌ته‌وه‌یێن ئێكگرتی ل ئیراقێ، هاریكاریكرنا چاره‌كرنا هه‌موو كێشه‌یێن هه‌ولێر و به‌غدایه، ب تایبه‌ت ژی كێشه‌یێن گرێدای مادده‌یێ سه‌د و چل.
تُتاح هذه الصورة أيضا في: کوردی