پەرلەمانتارەك: بەشە بۆدجەیا هەرێما كوردستانێ دێ هێتە زێدەكرن
باسنيوز:
پەرلەمانتارەكێ فراكسیۆنا پارتی دیمۆكراتی كوردستان ل پەرلەمانێ عیراقێ راگەهاند، ئەڤە حەفتیەك ل سەر پێشكێشكرنا بۆدجێ ڤە دەرباز بوویە و نەهاتیە پەسەندكرن، بەلێ بۆدجە نەهاتیە ژبیركرن و بەشە بۆدجەیا هەێما كوردستانێ ژی دێ هێتە زێدەكرن.
د. ئەحمەد سەفار، ئەندامێ پەرلەمانێ عیراقێ، بۆ (باسنیوز) دیار كر: “دووماهی كۆمبوونا پەرلەمانی دا ل گەل حكومەتێ مە 50 خال پێشكێشی حكومەتێ كرینە و ئەو خالە پێدڤیە بچنە د ناڤ بەرنامێ كاری دا هەتا كو ئەم بۆدجەیا سالا 2019 قەبوول بكەین و دەمێ مە 50 خالێن خوە پێشكێشی حكومەتێ كرین، حەفتیەك دەرفەت بوو، بەلێ ئەڤە دوو حەفتی دەرباز بوون و هێشتا بەرسڤ نەدایە و حكەمەتا عیراقێ گۆتیە دەلیڤێ بدەنە مە هەتا كو ئەم بریارێ ل سەر ددەین”.
سەفار ئاماژە ب هندێ دا: “ئەو خالێن مە پێشكێشی حكوومەتێ كرین نێزیكی 50% هاتینە قەبوولكرن و یێن مایی ژی نها ئەو گەنگەشێ ل سەر دكەن و كار ژی ل سەر دهێتە كرن و گۆتیشی: بێگومان دێ گوهۆرین د بەشە بۆدجەیا هەرێما كوردستانێ ژی دا هێنە كرن، وەكو رێژە و بەشە بۆدجەیا هەرێمێ بهێتە زێدەكرن و بۆدجا پێشمەرگەی و یا شەید و ئەنفالكری و زیندانیێن سیاسی و گرێبەستێن پترۆلێ”.
تُتاح هذه الصورة أيضا في: کوردی