پۆلیسێن نەینەوا ب ھەلکەفتا جەژنێ مۆلەتێ ددەنە فەرمانبەرێن ئێزدی
ئەڤرۆ نیۆز:
رێڤەبەریا گشتیا پۆلیسێن نەینەوا بۆ جارا ئێکێ ب ھەلکەفتا جەژنا ئێزی یا کوردئێن ئێزدی بۆ ماوێ پێنچ رۆژان مۆلەت دانە فەرمانبەرێن خوە یێن کوردێن ئێزدی.
سەیدو چەتۆ، سەرۆکێ جڤاتا پارێزگەھا نەینەوا، بۆ ئەڤرۆ نیۆز دیار کر، مە وەکو جڤاتا پارێزگەھا نەینەوا سەرەدانا رێڤەبەریا گشتیا پۆلیسێن نەینەوا کر و د ڤێ سەرەدانێ دا پشتی مە ژێ خواستی، رێڤەبەرێ گشتیێ پۆلیسێن نەینەوا بریار دا بۆ ماوێ پێنچ رۆژێن جەژنا ئێزدی مۆلەتێ بدەتە ھەموو پۆلیس و ئەفسەر و فەرمانبەرێن خوە یێن کوردێن ئێزدی دناڤ رێڤەبەریێ دا.
ئاشکرا ژی کر کو ئەڤە بۆ جارا ئێکێ یە تشتەکێ ب ڤی رەنگی پەیدا دبیت و ھەر ژ رۆژا دووشەمبی ١٠/١٢/٢٠١٨ ھەتا رۆژا شەمبی ١٥/١٢/٢٠١٨ دێ بۆ فەرمانبەر و پۆلیسێن کوردێن ئێزدی بێھنڤەدانا فەرمی بیت و د ڤێ سەرەدانێ مە مە گەنگەشە ل سەر رەوشا ئێمناھیا دەڤەرێ ژی کر.
تُتاح هذه الصورة أيضا في: کوردی