نادیا موراد دێ نهخۆشخانهیهكێ ب دیارییا خوه یا نۆبلێ ئاڤاكهت
WAAR-دهۆك:
نادیه موراد، ههلگرا خهلاتێ نۆبلێ دێ نهخۆشخانهیهكێ ب دیارییا نۆبلێ ژبۆ كچ و ژنێن رزگاربوویێن دهستێ داعشێ ئاڤاكهت و سوپاسییا رازیبوونا ههرێما كوردستانێ ژی كر.
نادیه موراد، چالاكڤانا ئێزدی و ههلگرا خهلاتێ نۆبلا ئاشتیێ دوهی د ناڤا ب سهدان وهلاتیێن خوه دا ل شنگالێ گۆت: دێ نهخۆشخانهیهكا تایبهت ب دیارییا نۆبلێ ژبۆ چارهسهركرنا كچ و ژنێن بووینه قوربانیێن دهستێ داعشێ و زۆری ل وان هاتییه كرن ئاڤا كهت.
ههروهها سوپاسییا حكومهتا ههرێما كوردستانێ كر كو ل سهر پرۆژهیێ وێ رازی بووین و ل نزیك دێ پهیوهندیێ ب رێكخستنێن مرۆڤی كهت ژبۆ دهست ب ئاڤاكرنا نهخۆشخانهیێ.
نادیه موراد بهریا دو رۆژان جودا ژ ئالیێ نێچیرڤان بارزانی، سهرۆكوهزیرێن ههرێما كوردستانێ و مهسرور بارزانی، سهرۆكێ جڤاتا ئاسایشا نشتیمانی ل ههولێرێ هات پێشوازی كرن و پاش سهرهدانا پهرلهمانێ كوردستانێ كر، دوهی ژی د رێیا سحێلا بۆ شنگال دا سهرهدانا شنگالێ كرییه.
تُتاح هذه الصورة أيضا في: کوردی