رژێما ئیرانێ د سالەکێ دا پتری 1000 کوردان دەستەسەر کرینە
WAAR-دهۆك:
ل گۆرەیی داوی ئامار، رژێما ئیرانێ د سالا بووردی دا زێدەتری 1000 وەلاتییێن کورد یێن رۆژھەلات، باکۆر و ھەرێما کوردستانێ دەستەسەر کرینە.
رێکخستنا ھەنگاو یا مافێن مرۆڤی یا رۆژھەلاتێ کوردستانێ راپۆرتا سالا 2018ێ یا دەستەسەرکرنا وەلاتییێن کورد ژ ئالییێ رژێما کۆمارا ئیسلامی یا ئیرانێ ڤە بەلاڤ کر و راگەھاند: رژێما ئیرانێ د سالا 2018ێ دا زێدەتری 1000 وەلاتییێن کورد دەستەسەر کرینە کو ناڤێن 710 ژ وان ھاتینە دکیۆمێبتکرن و پشتراستکرن.
ھەنگاوێ ئاماژە ژی دا: پڕاین رێژەیا دەستەسەرکرییان ژ پارێزگەھا ئورمییێ یا رۆژھەلاتێ کوردستانێ نە کو دبیتە 41% و یێن دی یێن پارێزگەھێن سنە، کرمانشان، ئیلام، خوراسان، لورستانێ نە و 14 وەلاتییێن ھەرێم و باکۆرێ کوردستانێ ژی د گەل دا نە
ھەنگاوێ ھەروەسا ئاشکەرا کر؛ 58% یا وان کوردان ب سووچێن سیاسی و ھاریکاریکرنا پارتییێن کوردی ھاتینە دەستەسەرکرن و یێن دی چالاکیێن مەدەنی، چالاکێن ئۆلی، چالاکێن کارکەران، کۆلبەر، رۆژنامەنڤیس، خوێندکار و مامۆستایێن زانینگەھێ نە.
تُتاح هذه الصورة أيضا في: کوردی