خاتێ شنگالی: گرتنا ئێزدیان پشتی تیرۆرستێن داعش ژی یا بەردەوامە
باسنيوز:
بەرپرسا هێزا كچێن پێشمەرگەیێن رۆژ دیار كر: “رەڤاندنا كوردێن ئێزدی پشتی جینوسایدا شنگالێ ژی یا بەردەوامە وخەلك ژ بەر رەڤاندنا زارۆكێن خوە نەوێرن ڤەگەرن”.
خاتی شنگالی، بەرپرسا هێزا كچێن پێشمەرگەیێن رۆژ بۆ (باسنیوز) دیار كر: “دەمێ جینوسایدا شنگال روودای، ژلایێ تیرۆرستێن داعش ڤە پتر ژ شەش هزار كەسێن ئێزدی هاتنە رەڤاندن وپشتی تیرۆرستێن داعش ل شنگال نەماین ژی رەڤاندنا ئێزدیان یا بەردەوام بوویە. بەشەك ژ وان ئێزدیان ژلایێ گرۆپ ولایەنێن نە قانوونی ڤە هاتنە رەڤاندن وچەكداركرن. دووڤ پێزانینان ژی ئەو كەسێن پشتی كارەساتا شنگال هاتینە رەڤاندن وچەكداركرن، نەشێن مالباتێن خوە ببینن”.
خویا ژی كر: “دووڤ پێزانینان ژی ئەو كەسێن ڤەدگەرنە شنگال ژی ب شەڤێ گرۆپ ولایەنێن نەقانوونی قەستا ناڤ مالێن وان دكەن ودبێژنێ وەرن بگەهنە مە. لەورا ژی هەتا نۆكە كوردین ئێزدی نەشێن ڤەگەرنە شنگال چونكە ژ رەڤاندنا و چەكداركرنا زارۆكێن خوە دترسن”.
تُتاح هذه الصورة أيضا في: کوردی