كارتێكرنا جگارەكێشانێ لسەر ساخلەمیا مرۆڤی
هاڤان كەریم خودێدا 
وەكو یا دیار دیاردەیا جگارەكێشانێ دڤان چەند سالێن بۆری دا دناڤ خەلكێ مە یێ كوردستانێ دا بەرەف زێدەبوونێ یە، تایبەتی دناڤ گەنج و زارۆكان دا ژیانا خۆ دئێخنە دمەترسیەكا مەزن دا و نزانن كو خرابیا جگارەكێشانێ هەتا چ رادەیە و چەند زیانێن خۆ لسەر ساخلەمیێ هەنە،هەروەسا ب دەركەفتنا چەندین جۆرێن ئالاتان وەكی نەرگیلێ و ئامیرێن ئەلكتریكی كو بوویە سەدەمێ هندێ ژیان و پاشەرۆژا گەنج و زارۆكان بەرەف تاریێ بریە،نۆژداران ب گشتی دایە دیاركرن كو جگارەكێشانێ گەلەك زیان و كارتێكرنێن خۆ یێن خراب لسەر ساخەلمیا مرۆڤی هەنە و چەندین جۆرە ئێشێن مەترسیدار بۆ مرۆڤی پەیدادبن،هەروەسا هێلانا جگارەكێشانێ دبتە ئەگەرێ هندێ كو جگارە كێشان دتەمەنێ گەنجاتیێ دا مرۆڤی ژكار دئێخت و دكوژت،كێشانا جگارێ كارتێكرنێ ل كەسانێن دەوروبەرێن وی كەسی دكت ئەوێن جگارێ دكێشت،جگارەكێشان كارتێكرنەكا مەزن لسەر ژینگەهێ ب پەیداكرنا دووكێلێ،پیساتیێ ئاگران دكت وگەلەك ژ دراڤێن جگارەكێشانێ بۆ كرینا جگاران یان دەرمانان دچن،هێلانا جگارا دبتە ئەگەرێ تەمەنەكی درێژ و ژیانەكا ساخلەم و ژینگەهەكا پاقژ دابین دكت،رۆژەكێ دەستنیشان بكە ژبۆ هێلانا جگارەكێشانێ،هەموو جگارێن خۆ ل هەر جیەكی توو لێ بی پاڤێژە،نەهێلە كەسەك ل جەم تە جگارا بكێشت یان جگارا بینتە هزرا تە، داخوازا هاریكاریێ ژ خێزان و هەڤالێن خۆ بكە ژبەركو كاریگەریا وان گەلەكە لسەر رەفتارێن تە،داكو هەولێن جگارەكێشانێ سەركەفتی بن،هەر جارەكێ دلێ تە چتە جگارێ خۆ مژوولی كارەكی بكە ژ خوارن، ڤەخوارن، خووندن و نڤیسین، یان هەر تشتەكی كو جگارا نەهێلتە هزرا تەدا،بكارئینانا هندەك جۆرێن نیكوتینی،وەك: نیكوتین – پاچ یان سپرەی یان قاچك… دبت هاریكاریەكێ بۆ تە بكن،ڤێجا فەرە لسە ر دەیك و بابێن گەنج و زارۆكان چاڤدێریەكا باشتر بدەنە زارۆكێن خۆ،داكو پاشەرۆژەكا گەش و رۆن دپێشیا وان دا هەبت و ساخلەمیا وان یا باش بت و تووشی چ جۆرە نەخۆشیان نەبن.
تُتاح هذه الصورة أيضا في: کوردی