كوردستان نموونا پێكڤەژیانێ یە ل جیهانێ
خێریا خدر
ل كوردستانێ هەموو ئایین و نەتەوە بێ جوداهی و ب تەنایی و ئارامی پێكڤەدژین،لەورا بوویە نموونەیا پێكڤەژیانێ ل جیهانێ،جڤاتێن بڤی رەنگی برایەتی و مرۆڤایەتیێ پتر خورت دكت، ئەڤ پێكڤەژیانا ل كوردستانێ هەی ل چ وەلاتێن جیهانێ نینە ،مللەتێ كورد هەردەم حەز ژ پێكڤەژیانێ و برایەتیێ دكت و چ جاران زۆری و زۆرداری ل كەسی نەكریە و هەموو ئاین رێزێ ڵ ئێك و دوودگرن ب شێوەیەكی جوان سەرەدەریێ دگەڵ ئێك و دوو دكن و ئەڤ وێنەیە دئێتە دیتن و وەك برا ل خۆشی و نەخۆشیان دا دگەل ئێك دانە،ب ئێكگرتن و پێكڤەژیانێ دێ كارین بهێزترین دوژمنێ خۆ بشكینین و دێ رەڤینن و هەموو ئایین هەولبدەن بۆ بهێزكرنا ئاشتی و ئاڤاكرنا پەیوەندیێن دناڤبەرا وان دا و دڤێت هەموو ئاین دژی هزرێن خراب بن ئەوێن دبنە ئەگەرێ ئاریشان و دڤێن دەرزەكێ بێخنە ڤێ پێكڤەژیانێ دا،كوردستان ب گیانێ پێكڤەژیان و لێبۆرین و ئاشتیێ هاتیە ناسین چنكو هەموو پێكڤە كار و خەباتێ دكن بۆ نشتیمانی و پاڕاستن و بەرەڤانیێ ژ ئاخا خۆ،لەورا پێكڤەژیان یا سەركەفتی و نموونەی یە ،پێتڤیە بۆ وان هەموو كەسێن ب ناڤێن جودا جودا كارێن تێكدەرانە دكن دیاربكەین كو كوردستان جیێ ئاشتی و لێبۆرین و پێكڤەژیانا ئایینی یە وهەلگرێن پەیاما نەتەوەیی نە و پێكڤە كاربكەین بۆ پاراستنا وان دەستكەفتی و مافێن هاتینە گەرەنتیكرن ب خوونا جانگۆریێن كوردستانێ داكو ئەڤ مافە هەر بێنە پاراستن و كەس سەرپێچیێ لسەر مافێن بەرامبەری خۆ نەكت و هەر ئێك ئەرك و مافێن خۆ بزانن و سەرپێچیكار بێنە سزادان، ئەگەر روودانەكا نەچاڤەرێكری هاتە پێش پێتڤیە ب رێیێن دانوستاندنێ وێ كێشێ چارەسەر بكەین و خوونا جانگۆریان نەئێتە ژبیركرن و دیرۆكەكا پر شانازیە كو خۆ كرینە قوربانی پێناڤ مللەتی و بەرەڤانی ژ شەرەف و كەرامەتا مللەتێ خۆ كرینە،ل داویێ لسەر مە هەبوویان ب ئێك دەست و دەنگ رێگریێ ل هزرێن بەرتەنگ و دوور ژ پێكڤەژیانێ بكەین و وەلاتێ خۆ بپارێزین.
تُتاح هذه الصورة أيضا في: کوردی