مهسروور بارزانی پشتهڤانییا جڤاكا نێڤدهولهتی بۆ ههرێمێ ل میۆنشێن بهحسكر
WAAR-دهۆك:
د تهڤ كۆمبوون و دیدارێن شیرهتكارێ جڤاتا ئاساییشا ههرێما كوردستانێ دا ل میۆنشێن، پێشدابرنا پهیوهندیێن ههرێما كوردستانێ دگهل وهلاتان هاتن گۆتوبێژ كرن.
مهسروور بارزانی د دووهم رۆژا كۆنگرهیا میۆنشێن یا ئاساییشا نێڤدهولهتی دا، دگهل ههژمارهكا وهزیرێن بهرگری و دهرڤه، ههروهها پهرلهمانتار و مهزنه بهرپرسێن وهلاتان كۆمبوو، پهیوهندیێن دوقۆلی، پشتهڤانییا نێڤدهولهتی ژبۆ ههرێما كوردستانێ و بهرهنگاربوونا تیرۆرێ گۆتوبێژ كرن.
مهسروور بارزانی لدۆر كۆمبوونێن خوه د پرێسكۆنفرانسهكی دا راگههاند؛ كۆمبوونێن وان بهرههمدار بوون و ئهو دخوازن پشتهڤانییهكا زێدهتر یا جڤاكا نێڤدهولهتی ژبۆ ههرێما كوردستانێ ب دهست بێخن.
دیار ژی كر، د تهڤ كۆمبوونا دا، بهحسا ترسا سهرهلدانا تیرۆرا داعشێ هات كرن، ههروهها پهروهندیێن ناڤبهرا ههولێرێ و بهغدایێ ژی بۆ رایهدارێن وهلاتان هاتن شرۆڤه كرن.
مهسروور بارزانی ب داخوازنامهیا فهرمی پشكداری گهرا 55ێ یا كۆنگرهیا میۆشنێن بوویه، كۆنگرهیا میۆنشێن تایبهته ب ئاساییشا نێڤدهولهتی ڤه، ل پازدهی ڤێ مههێ دهستپێكرییه و ئهڤرۆ داوی رۆژه.
شاندا ههرێمێ ب سهرۆكاتییا مهسروور بارزانی د دو رۆژێن دگهل وهزیرێن دهرڤه یێن رۆسیا فیدرال و ئیرانێ كۆمبوو، ههروهها وهزیرێن بهرگرییا بریتانیا، ئهلمانی، توركیا، ههروهها ههڤدیتن دگهل نوونهرێ سهرۆكێ ئهمریكا بۆ ههڤپهیمانییا دژی داعشێ و چهندین بهرپرسێن ئیماراتا ئهرهبی و نهتهوهیێن ئێكگرتی ههبوون.
تُتاح هذه الصورة أيضا في: کوردی