31 سال ل سەر ھەوا ئەنفالێن رەش دەرباز بوون
WAAR-دهۆك:
ئەڤرۆ سیھـ و ئێک سال ب سەر ھەوا ئەنفالێن رەش دەرباز بوون، یا رژێما بەعس بۆ ژناڤبرنا گەلێ کوردستانێ و نەتەو‌ا کورد و شوونوارێن ئابۆری و جڤاکی و مرۆڤاتی کری.
ھەوا ئەنفالێن رەش ل رۆژا بیست و سیێ شواتا ھزار و نەھسەد و ھەشتێ و ھەشتێ دەستپێکر و ل سەر ھەشت قۆناغان ھاتبوو پارڤەکرن و شەش دەڤەرێن جوگرافی ل کوردستانێ ب خوەڤ دگرتن، تا رۆژا شەشی ئلیۆنا ھەمان سالێ و پشتی دەستەسەرکرنا سەد و ھەشتێ و دو ھزار وەلاتیێن سڤیل و وێرانکرنا چار ھزار و پێنجسەد گوندێن کوردستانێ ئەو ھەوە ب داوی ھات.
رژێما سەدام حسێنی د ھەوا ئەنفالان دا ھێزەکا مەزن ب نووترین چەک ھێرش کرە سەر کوردستانێ، تێدا فەیلەقێن ئێک و پێنج و پاسەوانێن کۆماری و ھێزێن تایبەت و کۆماندۆ و مەغاویر و نێزیکی دوسەد ھزار جاشێن کورد، پشکداری کر بوو.
تُتاح هذه الصورة أيضا في: کوردی