وسواس،ئەگەر و چارەسەری
عزەت برۆ
ئەم دكارن بڤی شێوەی پێناسا وسواسێ بكن (هندەك بیروباوەرێن خۆسەپینەر دووبارە خۆ ل هزرێن كەسێن تووشبووی ددەن و ئەو كەس نكارن كۆنترۆلا وان هزرا بكت،و دبنە جیێ نە ئارامی و دلتەنگیا وی،چنكو حالەتەكی بەردەوامە)، هندەك ژ جۆرێن وسواسێ ئەڤەنە هزرێن وسواسی ئەڤ جۆرە ل وی دەمی دئێت ئەو هزرێن بێزاركەر دئێنە ناڤ مێشكێ كەسێ تووشبووی و شیانێ كۆنترۆلكرنا وان نینە بەلكو ئەو هزر لسەر وی كەسی زال دبن بۆ نموونە وەك هزرێن خراب بەرامبەر ئایین یان هەر تشتەكی پیرۆز،و ئەڤ چەندە دبتە ئەگەرێ نە ئارامیا دەروونی بۆ كەسێ تووشبووی،هەروەسا وسواسا كریاری (عملی) ئەڤ جۆرە كریارەكا دووبارەیە دگەل هندێ ئەو كریار نە كارەكی لۆژیكی یە،كەسێ تووشبووی بخۆ ژی دزانت نە تشتەكی دروستە بەلێ شیانێ خۆ قورتالكرنێ نینە،بۆ نموونە دەمێ كەسێ تووشبووی لسەر جادێ دچت ترومبێلان دهژمێرت یان ستوونا كارەبێ، جۆرەكی دی یێ وسواسێ ئەو ژی وسواسا پاقژیێ،كەسێ تووشبووی گەلەك جاران دەستێ خۆ دشۆت بەلێ هەر گۆمانێ دكت كو هەر دەستێن وی د پیسن و پاقژ نەبووینە،هەردیسان وسواسا دلنیایێ (تاكید) هەلگرێ ڤی جۆرە وسواسێ بەردەوام لدوڤ دلنیایا هندەك كارا دگەرت بۆ نموونە دەمێ گرتنا دەرگەهی گەلەك جاران تاكید دكت كا هاتیە گرتن یان نە،هەروەسا وسواسا گرنگیدان ب تەندروستیا خۆ ب شێوەیەكی نە ئاسایی،بەردەوام سەرەدانا نۆژدارا دكت كو هزر دكت گەلەكی نەخۆشە و ژ نۆژدارەكی دچتە ئێكی دی،بەلێ ئەنجامێ پشكنینا دیار دكت كو چ نەخۆشی ل وی كەسی نینن بەلێ ئەو باوەر ناكەت كو ساخلەمیا وی یا باشە،ئەگەرێن نەخۆشیا وسواسێ:هەتا نهۆ ب هویربینی زانایا ئەگەرێن نەخۆشیا وسواسێ دیارنەكرنە بەلێ هندەك بۆچۆن دزڤرینن بۆ چەندین ئەگەرا ژوان ژی ، تووشبوونا كەسی ب دوودلیێ هەروەسا ئەگەر وی كەسی ل رابردوو ئاریشێن جڤاكی هەبن و نەهاتبنە چارەسەركرن،هەروەسا كەساتیا هندەك كەسا یە بەرهەڤە بۆ تووشبوونێ هەروەسا نازداركرنا گەلەك زێدە لدەمێ زارۆكانیێ،و ئەگەرەكی دی ل دەمێ تووشبوونا روودانەكێ كارتێكرن لسەر مێشكی هەبت دێ بتە ئەگەرێ وسواسێ، و ل داویێ هندەك زانا دبێژن بۆماوەیی (وراپی)كارتێكرن هەیە كو ڤەگوهاستنا وێ ژ دەیك و بابان بۆ زارۆكان ،چارەسەریا نەخۆشیا وسواسێ باشترین چارەسەری چارەسەریا رەفتاریە (سلوكی) ب شێوەیەكی نۆژدار و نەخۆش هەردوو هاریكاریا ئێك و دوو بكن هەتا كۆنترۆلێ لسەر وان هزرێن خۆسەپینەر بكن،هەروەسا هندەك جارا نۆژدار دەرمانان بكار دئینن بۆ چارەسەریا نەخۆشی.
تُتاح هذه الصورة أيضا في: کوردی