ڤەكۆلەرەكا دەروونی:رەوشا دەروونی یا كچێن رزگاربووی رۆژ بۆ رۆژێ خرابتر دبت
تۆرا لالش یا راگەهاندنێ
ڤەكۆلەرەكا دەروونی ئاشكەراكر كو ئاریشە ونەخۆشیێن كچێن ژ دەستێن داعش رزگاربووین نەهاتینە چارەكرن، رەوشا وانا دەروونی رۆژ بۆ رۆژێ خرابتر دبت.
ڤەكۆلەرا دەروونی(خەولا شەمۆ) بۆ رۆژناما دەنگێ لالش دیاركر،پشتی بۆرینا چار سال و چەند هەیڤان ژئاوارەبوونا هەزاران خەلكێ شنگال و ئاكنجبوونا وان ل ناڤ كەمپان دا ل سنوورێ پارێزگەها دهۆكێ ،ب شێوەیەكی ئاستەنگ و رەوشەكا خراب دژین و ڤێ چەندێ كارتێكرنەكا مەزن لسەر ژیانا ئاواران یا دەروونی وجڤاكی و لەشی كریە ب گشتی و ژیانا ئافرەتان ب تایبەتی،ئاوارەبوون بوویە ئەگەرێ پەیدابوونا گەلەك جۆرە نەخۆشیێن دەروونی ل نك وان و بوویە ئاستەنگەك ل ژیانا وان یا رۆژانە دا.
دبەردەوامیا ئاخفتنا خۆ دا گۆت:بەریا چەند رۆژان ڤەكۆلینەك لسەر كچێن رزگاربوویێن ژ دەستێن داعش بناڤێ( اڵاچگرابات السیكوسوماتیە وألیات الدفاع النفسی لدی المحررات الایزیدیات) چێكر،دئەنجامێن ڤەكۆلینێ دا دیاربوو كو ژمارەكا مەزن یا رزگاربوویێن ژدەستێن داعش ئاریشە و نەخۆشیێن دژوار هەنە و سەروبەر و ژیان وان هاریكار نابت كو رزگاربن ژ وان نەخۆشیێن دەروونی،بەلكۆ رۆژ ب رۆژ رەوشا وان خرابتر دبت.
خەولایێ ئاشكەراكر،ئاریشە و نەخۆشیێن كچێن رزگاربووی هەتا نهۆ نەهاتینە چارەسەركرن،كو دەمەكی درێژ بۆ چارەسەریا وان كچان دڤێت ل سەنتەرێن نیشادان و دەروونی دا.
تُتاح هذه الصورة أيضا في: کوردی