ل كەمپا شاریا ئاگر بەربوو هەفت خيڤەت و دوو ترومبێلان
باسنيوز:
رێڤەبەرێ كەمپا شاریا ل سنۆری پارێزگەها دهۆكێ دیار كر: “ئەڤرۆ 27/6/2019 ئاگر بەربوو حەفت خێڤەتێن ئاواران و دوو ترۆمبێلان”.
هەكار محەمد ئەمین، رێڤەبەرێ كەمپا شاریا ل سنۆری پارێزگەها دهۆكێ بۆ (باسنیوز) دیار كر: “ژ ئەنجامێ شۆرتەكێ كارەبێ ئاگربەربوو خێڤەتێن ئاواران ل كۆمەلگەها شاریا، دئەنجامدا ژی حەفت خێڤەت دوو ترۆمبێلین ئاواران دناڤ سۆتن. ئەڤ روودانا ئاگر ل كەرتێ چوار ناڤ كەمپا شاریا دا روودایە پشتی ترۆمبێلێن ئاگر ڤەمراندنی گەهشتینە جهێ روودانێ شیان كۆنترۆل لسەر روودانێ بكەن”.
خویا ژی كر: “كەلوپەلێن ئاواران دناڤ خێڤەتان دا هاتنە سۆتن دوو ترۆمبیل ژی هاتنە سۆتن، چ زیانێن گیانی نەبووینە بتنێ زیانێن دارایی گەهشتنە ئاواران”.
تُتاح هذه الصورة أيضا في: کوردی