سەرۆك بارزانی:پێدڤیە کۆمکوژیا ئێزدیان وەکو جینۆساید بێت ناساندن
WAAR-دهۆك:
سەرۆک بارزانی پەیامەک ب ھەلکەفتا بۆرینا 5 سالان ل سەر کۆمکوژیا کوردێن ئێزدی بەلاڤ کر و راگەھاند؛ کۆمکوژیا کوردێن ئێزدی ل گورەی ھەموو پیڤەران جینوسایدە.
سەرۆک مەسعوود بارزانی راگەھاند؛ ئەڤرۆ رۆژا سیێ تەباخێ بیروەریا کارەساتەکا ناخ ھەژین دگێرن کو تیرۆرستێن داعشێ ب سەر خەلکێ شنگالێ دا گرتی، ل گۆرەی ھەموو پیڤەران ژی ئەو کۆمکوژی جینوسایدە و پێدڤییە ل ناڤخوە و دەرڤە وەکو جینوساید بھێن ناساندن.
سەرۆک بارزانی د پەیاما خوەدا ئاشکرا کر، پێدڤییە بزاڤ بھێن کرن رەڤاندیێن کوردێن ئێزدی بھێن ڤەگەراندن و ھەردو حکومەتێن ھەرێمێ و بەغدا بگەھنە رێککەفتنەکێ بۆ ئاڤەدانکرنا شنگالێ و ئیدارا وی باژاری د دەستێ خەلکێ وی ب خوەدا بیت.
سەرۆک مەسعوود بارزانی ئاشکرا ژی کر، کارەساتا شنگالێ بەردەوامیدانا کارەساتێن دییە یێن ب سەر گەلێ کوردستانێ دا ھاتین و گەلێ کوردستانێ ھەر زیندی مایە و دوپات کر، خووشک و برایێن ئێزدی پشکەکا ڤەنەقەتیایی یا گەلێ کوردستانێ نە و ب ھەموو شیانا پشتەڤانێن وانە.
تُتاح هذه الصورة أيضا في: کوردی