ب بریارا عەبدولمەھدی پێشمەرگەی دێ نوونەر د فەرماندەیا ئۆپەراسیۆنێن ھەڤپشک دا ھەبیت
WAAR-دهۆك:
ب بریارا سەرۆکوەزیرێ ئیراقێ پەیکەرێ فەرماندەیا ئۆپەراسیۆنێن ھەڤپشک دێ دوبارە ھێتە دارشتن و وەزارەتا پێشمەرگەی دێ نوونەر تێدا ھەبیت.
لگۆرەی فەرمانەکا سێ لاپەری کو ئیمزایا عادل عەبدولمەھدی سەرۆکوەزیرێ ئیراقێ، فەرماندەیێ گشتی یێ ھێزێن چەکدارێن ئیراقێ ل سەرە و تێدا بریارا دوبارە دارشتنا پەیکەرێ فەرماندەیا ئۆپەراسیۆنێن ھەڤپشک داییە و وەزارەتا پێشمەرگەی وەک ھەر سازییەکا دی یا ئەمنی یا ئیراقێ، دێ نوونەر د فەرماندەیێ دا ھەبیت.
د بەلگەنامەیان دا ھاتییە ژی: فەرماندەیا ئۆپەراسیۆنێن ھەڤپشک دێ راستە راست د بن فەرمانا عەبدولمەھدی دا بیت و عەبدولئەمیر یارەللا جێگرێ سوپاسالارێ ئیراقێ دێ بیتە جێگرێ وی.
ناڤەرۆکا فەرمانا فەرماندەیێ گشتی یێ ھێزێن چەکدار شەش خالێن سەرەکی بخوەڤە دگریت، ئەرک و دەستھەلات و سنۆرێ تەمام یا وان ھێزان دیارکریە، ژ ئالیێ سەربازی ژی ڤە ھەمی د چارچووڤەیێ فەرماندەیا ئێکسەر یا سەرۆکوەزیران بن.
تُتاح هذه الصورة أيضا في: کوردی