سەرۆکێ ھەرێمێ بریارا رۆژا کۆمکوژیا کوردێن ئێزدی ئیمزا کر
WAAR-دهۆك:
سەرۆکێ ھەرێما کوردستانێ بریارا پەرلەمانێ کوردستانێ یا دیارکرنا رۆژا سیێ تەباخێ وەکو کۆمکوژیا کوردێن ئێزدی ئیمزا کر.
پشتی پەرلەمانێ کوردستانێ رۆژا سیێ تەباخێ وەکو رۆژا کۆمکوژیا کوردێن ئێزدی دەستنیشانکری، نێچیرڤان بارزانی، سەرۆکێ ھەرێما کوردستانێ ئەو بریار ئیمزا کر و رۆژا سیێ تەباخێ ب فەرمی وەکو رۆژا کۆمکوژیا کوردێن ئێزدی ھاتە ناساندن.
د بریارا پەلەمانێ کوردستانێ دا ھاتییە، ئەو کۆمکوژیێن د دەرحەقێ کوردێن ئێزدی دا ل دەڤەرێن کوردستانی ھاتینە کرن، کۆمکوژی و تاوانێن دژی مرۆڤاتیێ و تاوانێن جەنگێ ب خوەڤە دگرن، دەستھەلاتێن دەستووری یێن کۆمارا ئیراقێ ژی بەرپرسن ژ قەرەبووکرن و دابینکرنا ماف و ئیمتیازاتێن قوربانییان، دوبارە ئاڤەدانکرنا دەڤەرێن وان ژی د ستۆیێ حکومەتا ئیراقێ دایە.
تُتاح هذه الصورة أيضا في: کوردی