نێزیكی25هەزار ئاوارێن شنگال ژ هاریكاریان بێ بەهر دبن
تۆرا لالش یا راگەهاندنێ
نێزیكی(25)هەزار ئاوارێن شنگالێ ل دەرڤەی كەمپا شاریا ل ناڤ كۆمەلگەهێ و گوندێن دەوروبەر ئاكنجی نە،ژبەر نەبوونا ئیدارەیەكێ بۆ سەرپەرشتیا ڤان ئاواران ژ بتریا هاریكاریێن مرۆڤی بێ بەهر دبن.
دڤی واری دا بەرپرسێ بنگەهێ لالش تایێ شاریا(دلگەش سەلیم)بۆ دەنگێ لالش راگەهاند،كاركرن ژ دەرڤەی چارچۆڤێ كەمپا شاریا یا ب زەحمەتە و بتریا ئاواران دبەربەلاڤن و بۆ ریكخراوێن مرۆڤی و خێرخوازی یا ب زەحمەتە كو هاریكاریان لسەر هەموویان بەلاڤ بكن،ژبەرنەبوونا ئیدارەیەكێ ل دەرڤەی كەمپێ ئەڤە بخۆ بارگرانیەكا دی یە و دبتە ئەگەرێ وێ چەندێ كو ئاوارە ژ بتریا هاریكاریان بێ بەهر ببن و ڤێگاڤێ نێزیكی (25)هەزار ئاوارێن شنگال ل ناڤ كۆمەلگەهێ و گوندێن دەوروبەری وێ ئاكنجی نە.
ئەو چەندە ژی دیاركر،هەر ژ دەمێ هاتنا ئاوارێن شنگال بۆ كۆمەلگەها شاریا بارگرانی لسەر ملێ بنگەهێ لالش بوویە و ب هەڤكاری دگەل ناوچەداریا فەیدیێ دەستێ هاریكاریێ بۆ درێژكریە،هەروەسا چەندین رێكخراوا سەرەدانا بنگەهی كریە و هاریكاری گەهاندینە ئاواران.
تُتاح هذه الصورة أيضا في: کوردی