پەروەردا شنگال:نكارين پێتڤیێن خووندنێ بۆ قوتابیان رەوانەی شنگال بكەین
باسنيوز:
رێڤەبەرێ پەروەردا كوردی ل قەزا شنگال دیاركركو دگەل دەستپێكرنا سالا نوو یا خاندنێ مە نەشیا قەستا شنگال بكەن وپەرتووك و پێدڤیێن خاندنێ ژی رەوانەی شنگال بكەین بۆ قوتابیان.
حسێن خدر، رێڤەبەرێ پەروەردا كوردی ل قەزا شنگال بۆ (باسنیوز) دیار كر: “بۆ خاندنا كوردی ئەم تووشی ئاریشەیان دبن ل قەزا شنگال چونكو سەرپەرشتیار و مامۆستا ژی نەشێن قەستا شنگال بكەن هەروەسا ژی پەروەردە ژی نەشێت پەرتووك و پێدڤیێن خاندنێ بۆ قوتابیان رەوانەی شنگال بكەن كو هەتا 17 قوتابخانێن كوردی ل شنگال هاتینە ڤەكرن، لێ نەشێن قەستا قوتابخانێن خوە بكەین. ب رێیا تەلەفونێ ئەم ل رەوشا وان دپرسن وەكو دیتر ئەم نەشێن بچن قوتابخانێن خوە ببینن ل كێماسیێن وان هایداربن وهاریكاریا قوتابخانێن خوە بكەین. هندەك رێڤەبەریێن قوتابخانەیان هاتن پێدڤی بخوە برن لێ ب فەرمی پەروەردا شنگال نەشیایە بچتە شنگال”.
خویا ژی كر: “ئەڤرۆ 21/9/2019 ل هەموو كەمپێن ئاواران سنۆرێ دهۆكێ دەرگەهێ 42 قوتابخانەیان هاتە ڤەكرن پتر ژ 28 هزار قوتابیێن دەڤەرا شنگال قەستا خاندنێ كرن وپتریا دایك وباب ل شنگال زارۆكێن خوە رەوانەی قوتابخانێن زمانێ كوردی كرینە”.
تُتاح هذه الصورة أيضا في: کوردی