نەخۆشخانا شنگال و هەشت بنگەهێن تەندروستێى كارناكەن
باسنيوز:
بەرپرسێ كەرتێ تەندروستی ل قەزا شنگال دیار كر كو نۆشدارین تایبەتمەند و ترۆمبێلین هاوار هاتنی وئاڤاهیی تەندروستی ل شنگال زۆر دكیمن ئەم داخوازێن هەڤكاریا مە بهێتە كرن بۆ ئاڤاكرنا ژێرخانەیا تەندروستی ل شنگال.
د. بەرەكات جاجۆ، بەرپرسێ كەرتێ تەندروستی ل قەزا شنگال بۆ (باسنیوز) دیار كر: “نەخۆشخانا شنگال یا ژكاركەڤتیە هەتا هەشت بنگەهیێن تەندروستی ژی ل شنگال كار ناكەن دراوەستاینە بتنی ل سنوونێ نەخۆشخانا كاردكەت پشكا تەنگاڤیا یا ڤەكریە 24 دەمژمێران ئەم دشین هەكە حالەتەكێ نە چاڤەریكری روو بدەت 15 هەتا 20 نەخۆشان دناڤ نەخۆشخانا سنوونێدا بنڤینن ئەم پێدڤی ئاڤاكرنا نەخۆشخانەكا مۆدرین ل شنگال هەنە لێ بریندارین لایەنیێن سیاسی بۆ نەخۆشخانەیێن مە نەهاتینە رەوانەكرن بەلكو ل خانەسۆری وان لایەنان نەخۆشخانا خوە هەیە “.
خۆیا ژی كر: “هەتا 21 بنگەهیێن تەندروستی ل شنگال هەبوون ژوانا ژی هەتا 13 بنگەه كاردكەن پتریا وان ژی ئەون یێن دەڤەرێن عەرەبان هەتا هەشت بنگەه ژی كارناكەن ئەڤە ژی ئەون یێن پتریا وان دەڤەرێن ئێزدیان ئەم زۆر پێدڤی هەڤكارینە بۆ ئاڤاكرنا نەخۆشخانەكێ ل شنگال وچیكرنا بنگەهیێن تەندروستی ودابینكرنا ترۆمبیلێن هاوار هاتنینە”.
تُتاح هذه الصورة أيضا في: کوردی