جادەیێن كەمپا خانكێ دێ ئێنە قيركرن
باسنيوز:
سەرۆكێ باژێرڤانیا خانكێ راگەهاند، پرۆژێ چێكرنا جادەیەكا گشتی بۆ ناڤا كەمپا خانكێ یا ئاواران ب درێژیا 650 متران و ب فرەهیا 10 متران دەست پێ هاتە كرن.
حەمود غەربی، سەرۆكێ باژێرڤانیا خانكێ بۆ (باسنیوز) دیار كر، ب هەماهەنگیا بۆردێ كاروبارێن مرۆڤایەتی، كارگێریا كەمپا خانكێ و ب پشتەڤانیا دراڤی یا رێكخراوا ACTED پرۆژێ چێكرنا جادا كەمپا خانكێ ب رێكا كۆمپانیا ئادارۆك كەتە كاری. ئارمانجا ئەنجامدانا پرۆژێ ناڤبری زێدەتر گەهاندنا خزمەتانە بۆ ئاواران و خۆشكرنا رەوش و ژیارا وان ل ناڤا كەمپان.
زێدەتر دبێژیت: ب هەماهەنگیا بۆردێ كاروبارێن مرۆڤایەتی ب پشتەڤانیا دراڤی یا رێكخراوا ACTED و سەرپەرشتیا UNHCR پرۆژێ چێكرنا جادا كەمپی كەتە د قۆناغێن جێبەجێكرنێ دا و دێ بۆ ماوێ دوو هەیڤان كێشیت، ئەڤ پرۆژە دێ مفایەكێ باش گەهینیتە خەلكێ ئاوارە یێ ناڤا كەمپێ كو پتری 16000 هزار كەسان تێدا د ئاكنجینە و هەموو ب رێیا ڤێ جادێ هاتن و چوونێ دكەن.
تُتاح هذه الصورة أيضا في: کوردی