شنگال و پاشەرۆژەك دوور و نەدیار!!!
لەیت حسێن
هەیاما چار سالان زێدەترە دەڤەرا شنگال و ناڤچەیێن دەوروبەر ژ دەستێ رێكخستیا تیرۆرستیا داعش هاتینە دەرئێسختن،لێ هەتا نهۆ ب رێژا نێزیكێ 80%خەلكێ وان ناڤچەیان هێش ئاوارەنە و پرانیا وان ل كەمپێن سنوورێ پارێزگەها دهۆكێ ئاكنجینە،هەبوونا هێزێن بیانی و پاشڤەمایێن داعش و نە سەقامگێریا ئێمناهیێ ل وێدەرێ و هەڤركیێن سیاسی و ئیداری بووینە رێگر ل هەمبەر ڤەگەریانا خەلكێ،لەوا دبینن كو ئەڤ یەكە بتر خەلكێ دەڤەرێ پالڤەددەت و تایبەت ئێزدیان كو وەلاتێ خۆ ب جێ بهێلن و ب هەر جۆرە رێیەكێ بت پەنابەری وەلاتێن بیانی و رۆژئاڤا ببن،نە ل هەڤهاتنێن پارت و ئالیێن سیاسی ل شنگال و پرسگرێكێن بەردەوام لسەر دەڤەرێ هەین كارتێكرنەكا نێگەتیڤ لسەر پاشەرۆژا شنگال و خەلكێ وێ هەیە،چنكو نە بەرقەراربوونا چارەنڤیسێ دەڤەرێ ل ناڤبەینا هەردوو حكومەتێن عێراقا فیدرال و هەرێما كوردستانێ دا بتر رەوش ل وێدەرێ ئالۆزكریە هەتا وی ئاستی كو خەلكێ دەڤەرێ ژیانا پەریشانا ئاوارەیێ و ل بن چادرێن كەڤن و رزی ژ ژیانكرنا ل بن دەستهەلاتێن جۆرا و جۆر دا هەلبژارتیە، هەموو ئەڤ ئەگەر و پرسگرێكێن مە دیاركرین ئاماژە ب وندابوونا چارەنڤیسێ شنگال و ئاوارێن وێ ددەت و هێش ئەو دەڤەر پشتگۆهاڤێتیە،و هەر ئالیەك ژی تنێ بۆ بەرژەوەندیێن خۆ یێن تاكە كەسی یان حزبی بكاردئینت.
تُتاح هذه الصورة أيضا في: کوردی