مەحما خەلیل: شنگال بوویە دەرگەهەك بۆ زڤرینا خێزانێن داعش ژ سوریا
باسنيوز:
قایمقامێ قەزا شنگال دیار كر كو بەردەوام و گەلەك جاران ب رۆژ ژی خێزانێن داعش ژ سوریا و ب تایبەتی ژی ژ كەمپا هۆلێ یێ بەرەڤ شنگال دهێن.
مەحما خەلیل، قایمقامێ قەزا شنگال بۆ (باسنیوز) دیار كر كو: “ژبەر زڤرینا خێزانێن داعش و نە بجەئینانا حوكمێ سێداردانێ بۆ تیرۆرستێن داعش خەلكێ شنگال نەوێرن بچنە شنگال و گەلەك جاران مە داخاز كریە رێگری ل زڤرینا داعش و خێزانێن داعش بهێتە كرن و سنۆرێ ناڤبەرا شنگال و رۆژئاڤایێ كوردستانێ ب باشی بهێتە كۆنترۆل كرن چونكو كەمپا هۆلێ یا نیزیكێ ناحیا سنوونێ یە ل رۆژئاڤایێ كوردستانێ و خێزانێن داعش ژ وێ كەمپێ ب ریێن قاچاخ بەرەڤ شنگال یێ دهێن وگەلەك جاران ب رۆژ ژی دهێن.هێشتا چوو پێنگاڤێن باش بۆ دابینكرنا تەناهیێ ل شنگال نەهاتینە هاڤیتن. هەتا سنۆر ب باشی نەهێتە كۆنترۆل كرن دێ بەردەوام خێزانێن داعش ب ریێن قاچاخ هێنە دەڤەرێ”.
خۆیا ژی كركو نۆكە شنگال بوویە دەرگەهەك بۆ زڤرینا خێزانێن داعش ژ سوریا وخەلكێ شنگال دخازن حكمێ سێدارادانێ بهێتە بجهئینان لسەر تیرۆرستێن داعش چونكو هەتا تێرۆرستێن داعش هەبن و خێزانێن وان ڤەگەرن خەلكێ مە نەشێت بزڤرنە شنگال”.
تُتاح هذه الصورة أيضا في: کوردی