عێراق و ئالۆزیێن بەردەوام
دگەل رۆخاندنا رژێما گۆر ب گۆر ل سالا(2003)ێ ل عێراقێ و رەوشا سیاسی یا وی سەردەمی را، و گوهارتنا دەستهەلاداریا ل هەیامەكێ بۆ هەیامەكا دیتر لسەر دەستێن دەرەكی رەوشا سیاسی و ئەمنی تێكچۆ،هەلبەت پشتی دەستهەلاتداریا نە سەركەفتی ژبال دەستهەلاتدارێن ڤی وەلاتی ڤە رەوش خرابتر لێ هات، تا وی ئاستی كو هەر گاڤ و بزاڤەكا پێخەمەت باشتركرنا رەوشا عێراقێ دەستەكی دەرەكی ئەڤ پلان دشكاند و ئەو بوو كو رەوشا سیاسی، ئابووری و ئەمنی و هتد خرابتر دبوو،پشتی ڤان هەموو روودانان ل عێراقێ و دەربازبوونا چەكدارێن رێكخراوا تیرۆرستی یا داعش بۆ ناڤ ئاخا عێراقێ و ب رێیا چەند خیانەتكارێن نشتیمانی، وێ رێكخراوا تیرۆرستی كاری دەستهەلاتا خۆ بگەهینتە ژمارەكا دەڤەرێن عێراقێ ئەو بوو رەوش خرابتر لێ هات و هێدی هێدی شكەستنا ئارتێشا عێراقێ پشتی چەند ڤەكشینان دیاربوو رێژەیەكا زۆر ژ ئاخا دەولەتا عێراقێ كەفتە بن دەستهەلاتا داعش دا،ژ ڤێدەرێ رەوش نە سەقامگیر بوو تا وی ئاستی دەستێن دەرەكی و بیانی بریار لسەر ئاستێ عێراقێ هەموویێ ددان و عێراق كەفتبوو بن گەفێن مەزن كو هەموو ژی ژئالیێ رێكخراوا تیرۆرستی یا داعش ڤە بێتە كۆنترۆلكرن،پشتی قۆناغا داعش و داوی ئانینا وێ رێكخراوا تیرۆرستی ل عێراقێ پێشبینی دهاتە كرن ئێدی عێراق بەرەف باشیێ ڤە بچت،بەلێ هێدی هێدی و ب روودانێن رۆژەڤێ را رەوش سەختر لێ هات تا گەهشتی رۆژا ئیرۆ و خۆپیشاندان نێزیكا چار مەهایە د بەردەوامن و رەوشا ڤی وەلاتی ل هەر بوارەكی دا یا ئالۆز و خراب بووی هەتا گەهشتیە وی ئاستی سەرۆك وەزیرێن عێراقێ و سەرۆك كۆماری دەست ژ كاركێشای پشتی كو نكارین وەلاتی برێڤەببەن و ژبن گڤاشتنان دەربئێخن و هێش پێلا خۆپیشاندانان بەردەوامە و رۆژ بۆ رۆژێ بەرفرەهتر لێ دئێت و لگۆری پێشبینیان رەوشا عێراقێ جار ب جار ئالۆزتر لێ دئێت.
تُتاح هذه الصورة أيضا في: کوردی