حهلبووسى: مه دڤێت ئهنبارێ وهكو ههرێما كوردستانێ لێ بكهین
خانى نيوز:
سهرۆكێ جڤاتا نوونهرێن ئیراقێ راگههاند، ئهو بزاڤان دكهن ژ روویێ ئاڤهدانكرنێ ڤه پارێزگهها ئهنبار وهكو ههرێما كوردستانێ لێ بكهن.
محهمهد حهلبووسى، سهرۆكێ جڤاتا نوونهرێن ئیراقێ راگههاند، د ڤى دهمى دا ئهو دگهل دامهزراندنا ههرێما ئهنبار دا نینن، لێ دامهزراندنا ههرێمێ یا دهستوورى یه و ئهو بزاڤان دكهن ژ روویێ ئاڤهدانكرنێ ڤه ئهنبارێ وهكو ههرێما كوردستانێ لێ بكهن.
دوپات ژى كر، هزرا ب ههرێمكرنێ ل ئهنبارێ نینه لێ ئهڤه وێ یهكێ ناگههینیت كو ئهنبار یان ههر پارێزگهههكا دى دهستان ژ وى مافێ خوه بهردهن.
گۆت ژى، ههرێم ل ئیراقێ دێ ل وى دهمى هێنه دروستكرن كۆ ئیراق د رهوشهكا باش دا بیت نهك دناڤ كێشه و گرفتان دا، ئهو دژى دروستكرنا ههرێمێ نینن لێ د ڤى دهمى دا دگهل نینه.
تُتاح هذه الصورة أيضا في: کوردی