رزگاركرنا 20 هەزار ئەرمەنیان ل شنگالێ
سەگڤان شنگالی
ل دەمێ شەرێ جیهانی یێ ئێكێ دا(1914_1918) حەمۆیێ شەرۆ مەزنێ چیایێ شنگالێ بوو ژ عەشیرا فەقیرا بوو، حەمۆ هەم عەگید بوو و هەم زەلامەكێ ئاینی بوو، ل سالا (1915)ێ ل دەمێ ئۆسمانیان گەلێ ئەرمەنی قركرین و فەرمانا وان راكرین، ل وی دەمی دە بەشەك ژ ئێزدیێن باكوورێ كوردستانێ ژی بەر ب وێ فەرمانا مەزن كەتن و هندەك ئێزدی كۆچبەری وەلاتێن ئەرمەنستان و گۆرجستانێ بوون و هندەكێن دی دگەل نێزیكی بیست هەزار ئەرمەنیان دگەل ئێزدیان هاتن شنگالێ،ژبەركو قەدەرا هەردوو ئاینان كۆمەلكوژی بوو.
دوی دەمی دا حەمۆیێ شەرۆ هەلویستەكێ جوامێرانە و مرۆڤاتی و برایانە دگەل ئەرمەنیان بكارئانی و ئەرمەنی و ئێزدیێن كۆچبەری شنگال بووین پاراستن ژ دەستێن ئۆسمانیان،هەر دوی دەمی دا ئۆسمانیان داخواز ژ حەمۆیێ شەرۆ كر وان ئەرمەنیان بدەتە دەستێ وان یان وان بكوژت یان هەكە حەمۆیێ شەرۆ ئەڤ یەك نەكر دێ ئۆسمانی فەرمانێ لسەر چیایێ شنگالێ راكن و حەمۆیێ شەرۆ داخوازیێن ئۆسمانیان قەبول نەكرن و ئەرمەنی رادەست نەكرن.
ئۆسمانیان ژلایێ خۆڤە هێرش ئانینە سەر چیایێ شنگالێ و هەموویان شكەستن خۆراگریا چیایێ شنگالێ ئانین و پشتی سالا(1918)ێ ز ئنگلیز(بریتانی) هاتینە ویلایەتا مووسل ژبەر هەلویستێن مرۆڤایەتی و مێرانە یێن حەمۆیی ب پاشایێ شنگال بناڤكرن و بۆ ماوێ سێ سالان ل بن سەرپەرشتیا وی دا ما.
تُتاح هذه الصورة أيضا في: کوردی