مەسروور بارزانى داخوازا بجهئینا قانوونا بودجەیا ئیراقێ دکەت
گاڤ نیوز
سەرۆکێ حکومەتا هەرێما کوردستانێ پابەندیا هەرێمێ بۆ بجهئینانا قانوونا بودجەیا فیدرال دوپاتکر و داخوازا بجهئینانێ ژ ئالیێ ئیراقێ ژى کر.
ئەڤرۆ سێ شەمبێ مەسروور بارزانى، سەرۆکێ حکومەتا هەرێما کوردستانێ ل گەل کونسل و نوینەرێن وەلاتێن ئێکەتیا ئەورۆپا ل هەرێما کوردستانێ کۆمبوو.
سەرۆکێ حکومەتا هەرێمێ پابەندیا هەرێمێ بۆ بجهئینانا قانوونا بودجەیا فیدرال دوپاتکر و داخواز کر ل هەمبەر حکومەتا فیدرال ژى پابەندیا خۆ بەرامبەر هەرێمێ بۆ هنارتنا مافێن دارایى بجهـ بینیت، گۆتژى: دەهـ هەیڤە حکومەتا ئیراقێ چ مووچە بۆ هەرێما کوردستانێ نههنارتینه.
هیڤى خواست پەسەندکرنا بودجەیى ببیتە دەستپێکەکا باش بۆ چارەکرنا کێشەیێن هەلاویستى ل سەر بنەمایێ دەستوورى، ب تایبەت ژى ماددەیا ١٤٠ و ئاسایکرنا ناوچەیێن کوردستانى یێن دەرڤەیى ئیدارەیا هەرێمێ کو کارتێکرنەکا ئەرێنى ل سەر سەقامگێرى، ئاسایش و ئارامیا ئیراقێ دکەن.
سەرۆکێ حکومەتێ بەحسا چاکسازیێن حکومەتێ ژى کر کو ب ئاراستەیا رێکخستن و هەمەجۆریا ژێدەرێن داهاتى و کێمکرنا خەرجیێن نەپێدڤى و گرنگیدان ب شەفافیەتێ و سنۆردانان بۆ ب هەدردانا سامانێ گشتى چاکسازى دهێتەکرن.
هەروەسا دیارکر، هەمى ئاسانکارى پێشکێشى وەبەرهێنەرێن بیانى و ناڤخۆ هاتینە کرن دا وەبەرهێنانێ د هەمى واران دا ل هەرێمێ بکەن.
تُتاح هذه الصورة أيضا في: کوردی