شاندەکێ بريتانی دگەل رێکخراو و رزگاربوویێن ئێزدی کۆمبوو
سەما:
بۆ جارا دووهەمین ب هەماهنگی دگەل نوێنەرێ بنگەهێ لالش ل هەولێر شاندێ کونسلخانەیا بەرێتانیا ل هەولێر و بالیۆزخانەیا بەرێتانیا ل بەغداد ،ل بنگەهێ لالش ل دهۆکێ دگەل رێکخراوێن مەدەنی یێن ئێزدیان و رزگاربوویێن ژێر دەستێ تیرورستێن داعش کۆمبوون و بەری دوو مەهان هەمان شاندێ بەرێتانی و ئێزدیان ل پەرستگەها پیرۆزا لالش کۆمبوونەک ئەنجامدابوون.
د کۆمبوونێ دا هەردوو لایان نەخۆشی و کێشە و ئاریشەیێن دکەڤنە بەرامبەری ژنا ئێزدی ب تایبەت یێن رزگاربووی شرۆڤەکرن و داخوازا پشتەڤانیکرنا رزگاربوویان هاتەکرن.
هەروەسان شاندێ بەرێتانی بەحسا کار و پرۆژە و پلانێن خۆکر و دیارکرن دێ گرنگیێ ب ئافرەتا ئێزدی دەن تایبەت یێن رزگاربووی.
ئالیێ ئێزدیان ژی د کۆمبوونێ دە رەوشا ژنا ئێزدی ب تایبەت یێن رزگاربووی ژ دەستێ داعش بەحسکرن و داخوازکرن بتر پشتەڤانیا وان بهێتەکرن و گرنگی پێ بهێتەدان و بهێنە قەرەبووکرن و هەروەسان داخوازکرن رێکەفتنا (هەولێر و بەغداد)یا ل سەر شنگالێ هاتیەکرن هەموو بەندێن وێ بهێنە جێبەجێکرن ژبەرکو د بەرژوەندیا ئێزدیان و دەڤەرێ دایە.
هەروەسان ژ ئالیەکی دنڤە گەنگەشە ل سەر چاوانیا کارکرنێ ل سەر بریارا 1325 یا ئەنجومەنا ئاسایشا نیڤدەولەتی هاتەکرن.
پەسەندکرنا پرۆژە یاسایا رزگاربویان ژ ئالیێ پەرلەمانێ عراقێ و جێبەجێکرنا بەندێن وێ یاسایێ و رەوشا ئێزیدیان ب تایبەت یا ئافرەتان تەوەرەکی دن یێ وێ کۆمبوونێ بوو.
تُتاح هذه الصورة أيضا في: کوردی