شێخ شامۆ پێشوازی ل رێڤەبەرا كۆچ و كۆچبەران كر
تۆرا لالش/دهۆك
ئیرۆ پێنج شەمبوویێ 22ی نیسانا 2021ێ ل ئۆفیسا خۆ یا راوێژكاریێ شێخ شامۆ راوێژكارێ سەرۆكێ حكوومەتا هەرێما كوردستانێ بۆ كاروبارێن ئێزدیا،پێشوازی ل رێڤەبەرا رێڤەبەریا كۆچ و كۆچبەران ل پارێزگەها دهۆكێ كر.
دهەڤدیتنێ دا مەنال محەمەد رێڤەبەرا رێڤەبەریا كۆچ و كۆچۆبەران ل پارێزگەها دهۆكێ پشتی پیرۆزباهیكرنێ ل بەرێز شێخ شامۆ دووپاتی ل هەماهەنگیێ دناڤبەرا وانا دا كر و پشتەڤانیا خۆ بۆ هەموو كەمپێن پارێزگەها دهۆكێ دیاركر،تەكەزكر كو ئێزدی بەشەكی رەسەنن ژ گەلێ كوردستانێ ب تایبەت ژی خەلكێ شنگال تووشی زولم و زۆرداریەكا مەزن بوویە و پێتڤی خزمەتێن هەژیترن.
شێخ شامۆ راوێژكارێ سەرۆكێ حكوومەتا هەرێما كوردستانێ بۆ كاروبارێن ئێزدیا سوپاسیا رێڤەبەریا كۆچ و كۆچبەران كر ژبۆ رۆلێ وانا یێ بلند بۆ خزمەتكرنا ئاواران دا و دیاركر جەنابێ سەرۆكێ حكوومەتا هەرێمێ هەردەم پشتەڤان بوویە ل هەموو پێكهاتێن گەلێ كوردستانێ،دووپاتكر ژی ئاوارا تایبەتمەندیەكا تایبەت یا هەی ل نك جەنابێ سەرۆكێ حكوومەتێ و هندی ل ڤێدەرێ نە دێ چاڤدێریەكا باش لێ ئێتە كرن.
شێخ شامۆ خواست هەر چ زوویە رێككەفتنا هەولێر و بەغدا بێتە بجهئینان بۆ هندێ خەلكێ مە یێ ئاوارە بزڤرتە سەر مال و حالێ خۆ ڤە و ب ژیانا خۆ شاد ببن.
دڤێ دیدارێ دا خانم “شاناز پیر هندی” رێڤەبەرا رادیویا بورها و”جەعفەر سمۆ” رێڤەبەرێ رێڤەبەریا كاروبارێن ئێزدیان ل دهۆكێ بەرهەڤبوون.
تُتاح هذه الصورة أيضا في: کوردی