مامۆستایەكێ زانكۆیێ:كۆچكرنا گەنجان بۆ دەرڤەی وەلاتی دیاردەیەكا ترسناكە بۆ پاشەرۆژا ئێزدیان
تۆرا لالش:
مامۆستایەكێ ئێزدی ل زانكۆیا دهۆكێ ئاشكەراكر،پاشەرۆژا ئێزدیان یا ب مەترسیە،ژبەركو هزرا گەنجێ مە كەفتیە لسەر كۆچكرنا دەرڤەی وەلاتی،لەوا پێتڤیە كار لسەر ڤێ دیاردێ بێتەكرن.
مویەد بەرەكات،ئێك ژ مامۆستایێن ئێزدی ل زانكۆیا دهۆكێ د دیدارەكێ دا بۆ رۆژناما دەنگێ لالش راگەهاند، ب دیتنا من رەوشا ئێزدیان یە مەترسیدارە ئێك ژ ئەگەران هزرا كۆچكرنا دەرڤەی وەلاتی كەفتیە د سەرێ گەنجێ مەدا و ئێزدی و ئێزدیاتی د گەلەك قۆناغێن نەخۆش دا دەربازبوویە و گەلەك جاران پێشكەفتنا وێ هاتیە سنوورداركرن،لێ دگەل هندێ هەر گەنجێ مە بەردەوام پێكۆلا سەركەفتنێ دكرن بۆ مللەتێ خۆ،هەروەسا ئەم ئێزدی پێتڤی هشیاركرنێ نە ژبەركو ئەم دووری كەتواری واقعی دژین و گەلەك عاتیفێ بكاردئینین،لەوا پێتڤیە رەوشەنبیر و نڤیسەر و چالاكڤانێن ئێزدی بەردەوام هشمەندی و رەوشەنبیریێ دناڤ ئێزدیان دا بەلاڤ بكن،هیڤیدارم بتر دەلیڤە بۆ گەنجان بێتە رەخساندن د هەموو بوارێن ژیانێ دە داكو هزر د ژ دەرڤەی وەلاتی دا نەكت ژبەركو وەلات ب گەنجان یێ ئاڤایە.
هەروەسا مویەدی بەحس ل قۆناغێن خووندنا خۆ كر و دبێژت:ل زانكۆیا مووسل ل كولیژا ئادابێ پشكا فەلسەفێ ل سالا(2005)بوومە هەلگرێ بەكالۆریوسێ و هەر هەمان سال كاری كورسەكێ ماستەرێ بدەستخۆڤە بینم ل زانكۆیا مستنسریە ل بەغدا ل كولیژا ئادابێ پشكا فەلسەفێ،ل سالا(2008)ماستەر بدەستخۆڤە ئینا لژێر ناڤ ونیشانێ(هزرا سیاسی د فەلسەفا ئەغریفی دا دناڤبەرا ئەفلاتونی و ئەرستۆ خواندنەكا رەخنەیی)،هەر هەمان سال هاتمە دامەزراندن وەكو مامۆستا ل كولیژا پەروەردا بنیات ل زانكۆیا دهۆكێ.
دبەردەوامیا ئاخفتنا خۆ دا گۆت:ل سالا(2009)ێ پێشكێشی دكتۆرایێ كر و هاتمە وەرگرتن ل زانكۆیا مستنسریە ل بەغدا ل كولیژا ئادابێ ل پشكا فەلسەفێ و ل سالا (2012)ێ كاری دكتۆرایێ بدەستخۆڤە بینم،لژێر ناڤ و نیشانێ(دەولەت د فەلسەفا رۆژهەلاتی یا هەڤچەرخ دا،برتراند رسل وەكو نموونە) و دووبارە ل زانكۆیا دهۆكێ وەكو مامۆستا بەردەوامیی دایە كارێ خۆ.
گۆتژی وەكو نوونەرێ مامۆستایێن ڤاكۆلیتیا پەروەردەیی ل سالا(2012هەتا 2016)ێ ل زانكۆیا دهۆكێ هاتمە دەستنیشانكرن،پاشی بوومە بەرپرسێ خووندنا بلند ل ڤاكۆلیتیا پەروەردەیی هەتا سالا(2013-2017)ێ،هەروەسا وەكو هاریكارێ راگرێ كولیژا بنیات ل سالا(2016)ێ دەست بكاربووم هەتا نۆكە لسەر كارێ خۆ یێ بەردەوامم.
تُتاح هذه الصورة أيضا في: کوردی