“ل نێزیک دێ ڤاکسینا سپۆتنیک یا رۆسی گەھیتە ھەرێما کوردستانێ”
گاڤ نیوز – 
وەزارەتا ساخلەمیا ھەرێما کوردستانێ بۆ گاڤ نیوز راگەھاند: ل نێزیک ڤاکسینا سپۆتنیک یا رۆسی دێ گەھیتە ھەرێما کوردستانێ.
نوکە ڤاکسینێن سینۆفارم یا چینی، ئەسترازینیکا یا بریتانی – سویدی و فایزەر یا ئەمریکی – ئەلمانی ل سەرانسەری ئیراقێ ھاتینە بەلاڤکرن و ب بەردەوامی بۆ وەلاتیان دھێنە دانان.
د. ئاسۆ حەوێزی، پەیڤدارێ وەزارەتا ساخلەمیا ھەرێما کوردستانێ بۆ گاڤ نیوز گۆت: میکانزما زانستی بۆ ئینانا ڤاکسینا سپۆتنیک یا رۆسی ل گەل ئیراقێ ب دوماھی ھاتیە و ل نێزیک دێ گەھنە ئیراقێ و بەھرا ھەرێما کوردستانێ ژی د ناڤ دا ھەیە.
د. روبا فەلاح، رێڤەبەرا گشتی یا وەزارەتا ساخلەمیا ئیراقێ رادگەھینیت، ل نێزیک ھەژمارەکا باش یا ڤاکسینا سپۆتنیک یا رۆسی دێ گەھیتە ئیراقێ و ل دەما گەھشتنێ دێ ب سەر پارێزگەھان دا ھێتە بەلاڤکرن.
ژ ئالیێ خۆڤە د. ئاسۆ حەوێزی بۆ گاڤ گۆت: هنارتنا ڤاکسینان ژ ئالیێ ئیراقێ دچارچۆڤێ ھەوا نشتیمانی یا دژی کۆرۆنایێ دایە و مافێ ھەرێمێ یە.
تُتاح هذه الصورة أيضا في: کوردی