28 سالیا دامەزراندنا بنگەھێ لالش ل دھۆکێ ھاتە ساخکرن
تۆرا لالش/دهۆك
د رێورەسمەکێ دا ئيرۆ 12ى ئهيارا 2021ێ بيست و ههشت سالیا دامەزراندنا بنگەھێ لالش یێ رەوشەنبیری و جڤاکی،ب ئامادەبوونا چەندین رەوشەنبیر و کەسایەتیێن دەڤەرێ ب پێشکێشکرنا سمینارەکێ و بەلاڤکرنا گۆڤارا (لالش)ھاتە ساخکرن.
ل پێشيێ پهيڤا بخێرئانينێ ژلايێ جهعفهر سمۆ ڤه هاته پێشكێشكرن و چهند بروسكێن پيرۆزباهيێ ب ههلكهفتا (28) سالیا دامەزراندنا بنگەھێ لالش هاتنه خووندن.
لدووڤ دا بهرێز شێخ شامۆ، سەرۆکێ بنگەھێ لالش یێ رەوشەنبیری و جڤاکی دپهيڤهكێ دا ساليادا دامهزراندنا بنگههێ لالش ل ههموو ئهندام و لايهنگهرێن بنگههى و ئێزديان پيرۆزكر و دیارکر کو ئەرشیفێ بنگەھێ لالش دیدەڤانێ وێ چەندێ یە کو بنگەھى د سالێن بۆری دا چەند خزمەت گەھاندیە ھەموو بوارێن ژیانێ ب تایبەتی دناڤ جڤاکێ ئێزدیان دا.
شێخ شامۆ ئاماژه ب وێ چهندێ دا كو ئەڤ فرە رەنگیا ل کوردستانێ هەی بنگەهێ لالش ژێ بێ بەهر نەبوویە و بنگەهى رۆلەکێ گرنگ دیتیە و بەردەوام لسەر دەستێن کەسانێن شارەزا و پسپۆر د ئێزدی و ئێزدیناسیێ دە د بیاڤێ پێکڤەژیانێ دە ل کوردستانێ رۆلێ خۆ گێرایە و پرەکا باوەریێ یا پەیوەندیان دگەل جڤاکێ خۆ و دامودەزگەهێن حکومی و حزبی ل کوردستانێ و رێکخراو و سازیێن جیهانی بوویە،ههروهسا جيەکێ گرنگ هەبوویە ل کوردستانێ و جیهانێ.
دبهردهواميا ئاخفتنا خۆ دا شێخى گۆت:”بنگەهێ لالش زمانێ راستیێ یێ گەهاندنا فەلسەفا ئۆلا ئێزدیایە بۆ هەر مێهڤان و شاندەکێ سەرەدانا بنگەهێ لالش و ناڤ ئێزدیان بکت و بەردەوام دناڤ جڤاکێ خۆدا بەرەڤانی ژ ناسناما و تایبەتمەندیا ئێزدیان کریە بەرامبەر ئەوان نڤیسەرێن شۆڤێنی یێن ل دژی ئێزدیان زانیاریێن نەراست دنڤیسین و هەر پلانەکا بێتە دارێژتن بۆ دوورکرنا ئێزدیان ژ کوردایەتیێ و کوردستانێ بنگەهی لالش وەکو پێشمەرگە ل سەنگەرێ پێشیێ بەرەڤانی ژ ئێزدیان کریە،لەورا دبێژم هەبوونا بنگەهێ لالش د 28سالێن بۆری دا پێتڤیەکا دیرۆکی بوو”.
سهرۆكێ بنگههێ دووپاتكر:”لسەر ئاستێ رەوشەنبیری بنگەھێ لالش د دەرگەھەکێ دیموکراسی دا دەربازی قادا رەوشەنبیریا کوردستانێ بوویە ب گۆڤار و پهرتۆك و رۆژنامە و بەرنامێن خۆ یێن رادیۆ و تەلەڤزیۆ و ڤيستهڤال و ديدارێن خۆ و ھتد… مل ب ملێ دەزگەھێن دی خزمەتا پەیڤا رەسەنا کوردناسیێ کریە، ھەروەسا ژ روویێ جڤاکی ژی ڤە پێکڤەژیانەکا خورت دگەل نەتەوە و پێکھاتێن دی یێن د ناڤ ھەرێما کوردستانێ دا دژین ئاڤاکریە”.
ژلايهكێ دى ڤه شهمالكا 29ێ هاته ههلكرن و سمینارەك لدۆر گۆڤارا لالش يا ژماره(45) ژلایێ مامۆستا شەمۆ قاسم و د.سەعید خۆدێدا و نڤيسهر ئبراهيم ڤه هاته پێشكێشكرن،پشتی گۆڤار هاتیە ئیمزاکرن بسەر ئامادەبوویان دا هاتە بەلاڤکرن.
تُتاح هذه الصورة أيضا في: کوردی