دخوازت گرنگی ب هۆنەرێ ئێزدیان بێتە دان
تۆار لالش:
موزیكژەنێ گەنج عامر بەدەل خەلكێ دەڤەرا شنگالێ یە ژ مالباتەكا هۆنەری یە،ل زارۆكینیا خۆ حەزا ژەنینا ئامیرێ موزیكێ تەمبورێ هەبوویە و مالباتا وی پشتەڤانێ كارێ نە،هیڤیخوازن بتر گرنگی ب هۆنەرێ ئێزدیان بێتەدان ب تایبەت فلكلۆرێ چیایێ شنگالێ.
عامر بەدەل بۆ رۆژناما دەنگێ لالش گۆت:هەر ژ زارۆكینیێ دا حەزا ژەنینا ئامیرێ موزیكێ تەمبورێ هەبوو باب و باپیرێ من موزیكژەن بوون ئەڤ چەندە بتر بۆ من بوو پالدەر خۆ فێری ژەنینا سازێ بكەم، هەروەسا مالباتا من گەلەك پشتەڤانێ منن،پاشی هێدی هێدی خۆ فێری سازێ كر و فێربووم نهۆ ب شێوەكی باش دژەنم،بزاڤا دكەم خۆ فێری ئامیرێ موزیكێ ئۆرگێ بكەم.
موزیكژەنی دیاركر ژی بەردەوام گۆهداریا سترانێن هۆنەرمەندێن چیایێ شنگالێ و رۆژئاڤایێ كوردستانێ دكەم مینا (فارس گاباری و سەعید یوسف)،دیسان ل دەما ئاهەنگێن قوتابخانێ و هەلكەفتێن ئاینی و نەتەوەیی و دگەل هەڤالان ل سەیرانان سترانان دبێژم و سازێ دژەنم،بڤێ چەندێ هەموو ئامادەبوو خۆشحال دبن و ب سازا خۆ دێ بەردەوام خزمەتا خەلكێ خۆ كەم.
دا زانین ژی هیڤیخوازن بتر گرنگی ب هۆنەرێ ئێزدیان بێتەدان ب تایبەت فلكلۆرێ چیایێ شنگالێ.
تُتاح هذه الصورة أيضا في: کوردی