دەزگههێ خێرخوازیێ بارزانی دێ 240 خانیان ل كەمپا شاریا ئاڤا كەت
باسنيوز:
بەرپرسێ پەیوەندی و راگەهاندنێ ل دەزگای خێرخوزای بارزانی ل دهۆكی دیار كر دەزگای خێرخوازی بارزانی دێ 240 خانیان ل كەمپا شاریا ئاڤا كەت بۆ وان خێزانێن ئاگربەربوویە خیڤەتێن وان. نۆكە ئەم كار دكەن ئەڤ خانی بهێنە ئاڤاكرن.
دلاوەر بشار، بەرپرسێ پەیوەندی و راگەهاندنێ ل دەزگای خێرخوزای بارزانی ل دهۆكی بۆ (باسنیوز) راگەهاند كو: “ژوورەكا ئۆپەراسیۆنا دگەل هەموو رێكخراوێن نافخۆیی ورێكخراوێن جیهانی بۆ وێ چەندێ ئەو هارێكاریێن بۆ وان خێزانێن خیڤەتێن وان هاتینە سۆتن، دروستاهی بهێنە بەلاڤكرن. ئەو خێزانێن خیڤەتێن وان هاتینە سۆتن بۆ هۆلا لالش ئێك وباغچەكێ ل كەمپێ هاتینە ڤەگوهاستن و دەزگای خێرخوازی بارزانی سەرپەشتیا وان خێزانان دكەت، خارنێ وپێدڤیێن زارۆكان وەكو شیر وپێدڤیێن دی دابین دكەت دگەل دابینكرنا كەرەستێن خۆپاراستنێ ژ ڤایرۆسێ كۆرۆنایێ، هەر تشتەكێ پێدڤی بیت ئەم بۆ وان دابین دكەن”.
ئاشكەرا كركو: “ل ناڤ كەمپا شاریا كۆمبوونەك هاتیە ئەنجامدان دناڤبەرا جڤاتا روحانیا ئێزدیان و سەرۆكێ دەزگای خێرخوازی بارزانی دگەل حكومەتا هەرێما كوردستانێ كۆمبوونێدا بەشداربووینە بۆ وێ چەندێ كا یا ئێزدیان بڤێت بۆ وان بهێتە ئەنجامدان. وان ژی داخواز كر خێڤەتێن وان ببنە بلۆك ئێكسەر ئەڤ داخوازیا هاتە وەرگرتن وبریار هاتە دانان ل جهێ خیڤەتان بلۆك بهێنە دانان”.
تُتاح هذه الصورة أيضا في: کوردی