لسهر راسپاردێن مهسرور بارزانی دهست ب چێكرنا كهمپا شاریا هاتهكرن و دێ بته بلۆك
وشه:
پشتی كو حهفتیا بوری ژ ئهگهرێ شورتهكێ كارهبێ ئاگر بهربویه كهمپا ئاوارێن شنگالێ ل شاریا و دئهنجام دا 370 خیڤهت سوتین، ل سهر راسپاردێن مهسروور بارزانی، سهرۆكێ حوكمهتا ههرێما كوردستانێ دهست ب چێكرنا كهمپا ناڤبری هاتهكرن و دێ بیته بلوك.
فهرهاد بلباس ژ راگههاندنا دهزگههێ خێرخوازی بارزانی بۆ “وشه” گۆت، ل سهر راسپاردا مهسروور بارزانی، سهرۆكێ حوكمهتا ههرێما كوردستانێ جارهكا دی دهست ب چێكرنهڤا كهمپا شاریا هاتهكرن.
بریاره چهند رۆژان دا ههموو كارێن وێ داوی بهێن
زێدهتر گۆت، كهمپ دێ ب بلوكا ژلایێ دهزگههێ خێرخوازی بارزانی هێته چێكرن و بریاره چهند رۆژان دا ههموو كارێن وێ داوی بهێن و بكهڤیته د خزمهتا وان خێزانان دا كو خیڤهتێن وان سوتین.
كاروان ئهترۆشی، بهرپرسێ راگههاندنا رێڤهبهریا گشتی یا كوچ و كوچبهر و بهرسڤانا قهیرانان ل پارێزگهها دهۆكێ بۆ “وشه” گۆت، زیانێن كهمپا شاریا 370 خیڤهتن و نێزیكێ هزار كهسان بخوڤه دگریت، د قوناغا ئێكێ دا ههموو خیڤهتێن هاتینه سوتن دێ ب بلوك و كونكریتێ هێنه چێكرن ل گهل دابینكرنا كهلوپهلێن ژیانا روژانه، ل قوناغا دوویێ رهنگه خیڤهتێن مایی ژی بهێنه چێكرن.
كهمپا شاریا ل سالا 2014ێ بۆ ئاوارێن شنگال و دهورۆبهر هاتیه دروستكرن و نێزیكێ چوار هزار و 500 خێزانان تێدا دژین.
تُتاح هذه الصورة أيضا في: کوردی