بەلگەفلمەك لسهر كۆمكوژيا ئێزديان دئێتە چێكرن و ل ئەورۆپا دێ ئێتە نیشاندان
تۆرا لالش:
هۆنەرمەندێ كورد غەنی میرۆز خەلكێ رۆژئاڤایێ كوردستانێ یە نهۆ ل ئەورۆپا دژیت،بۆ دەمێ چەندین سالانە هاریكاریان ل وەلاتێن ئەورۆپی كۆم دكت و دگەهینتە دەستێ ئاوارێن رۆژئاڤایێ كوردستانێ و شنگالێ و قوتابخانەیەكا هۆنەر و موزیكێ ل شنگال ڤەكریە، كار ل سەر چێكرنا بەلگەفلمەكی لسەر كۆمكوژیان ئێزدیان دكت و ڤیستەڤالێن ئەورۆپی دا دێ ئێتە نیشاندان.
هۆنەرمەند غەنی میرزۆ بۆ رۆژناما دەنگێ لالش دیاركر،بەری دوو سالان قوتابخانەیەكا هۆنەر و موزیكێ ل دەڤەرداریا شنگالێ ڤەكر ژبۆ زارۆكێن ئاوارە یێن ڤەدگەریانە شنگال داكو ژ چاندا خۆ دوور نەكەڤن و فێری ئامیرێن موزیكێ و سترانان ببن و دلێ وان خۆش ببت،ژبەركو دلێ وان یێ شكەستی بوو و دەروونێ وان نەیێ ئارام بوو،ئەو قوتابخانە ڤەكر داكو ب رێیا وێ ب رەنگەكێ هۆنەری جینۆسایدا لسەر ئێزدیان بدەنە خویاكرن د بەلگەفلمەكی دا و نهۆ ل چیایێ شنگالێ دئێتە چێكرن و ناڤەرۆكا وی لسەر هێرشا رێكخراوا تیرۆرستی یا (داعش)ێ دەما شنگال دوروپێچ و داگیركری و خەلكێ وێ كوشتین و گرتین و دەربەدەربووین،دیسان ئەو روودان ژی هەیە دەما خەلك خۆ دگەهینتە سەرێ چیایێ شنگالێ داكو ژ كۆمەلكۆژیێ رزگاربن ،هەروەسا زارۆكان جیەكێ تایبەت د بەلگەفلمی دا گرتیە و باندۆرا شەر و كۆمەلكۆژیا مەزن لسەر زارۆكان د بەلگەفلمی دا دئێتە خویاكرن.
گۆتژی ئەڤە بەلگەفلم ژلایێ كۆمپانیەكا ئیسپانی ڤە دئێتە برێڤەبرن و كار لسەر دئێتە كرن كو ل ئیسال ل هەیڤا چریا ئێكێ ل ڤیستەڤالێن ئیسپانیا و ئەورۆپی دێ ئێتە وەشاندن و نیشاندان.
تُتاح هذه الصورة أيضا في: کوردی