قوباد تالەبانی: دهۆك به‌رده‌وام د پێشڤه‌چوونێ دایه
خانى نيوز:
ئەڤرۆ “قوباد تالەبانی”جێگرێ سەرۆکێ حکۆمەتا هەرێما کوردستانێ، سەرەدانا پارێزگەها دهۆکێ کر و ژلایێ “د.عەلی تەتەر” پارێزگارێ دهۆکێ و جێگرێن پارێزگاری و قایمقامێ دهۆکێ هاتە پێشوازیکرن.
د روونشتنه‌كێ دا جێگرێ سەرۆکێ حکۆمەتا هەرێما کوردستانێ خوه‌شحالیا خوه ب سەرەدانا پارێزگەها دهۆکێ دیارکر و پیرۆزباهی گەهاندنە پارێزگارێ دهۆکێ کو جارا ئێکێ یە پشتی دەستبکاربوونا وان وەک پارێزگار سەرەدانێ دکەت و دا دیارکرن خوه‌شحالین کو هەر جارەکا ئەم سەرەدانا پارێزگەها دهۆکێ دکەین بەردەوام د گەشەکرن و پێشڤەچوونێ دانە.
پارێزگارێ دهۆکێ سۆپاسیا سەرەدانا “قوباد تالەبانی”کر و خوشحالیا خوه بڤێ سەرەدانێ دەربری و رەوشا پارێزگەها دهۆکێ و ئەو ئاریشە و گرفت و پرۆژە و پلانێن هەیی دگەل جێگرێ سەرۆکێ حکۆمەتا هەرێما کوردستانێ دانوستاندن هاتەکرن.
بابەتێ هشکەسالیێ و پرۆژێن نەتەمامکری و چەوانیا پەیداکرنا دەلیڤێن کاری و ئاریشێن خزمەتگۆزاری و بابەتێ شۆرکرنا زێدەتر یا دەستهەلاتا و لامەکەزیەتا کارگێریی دروونشتنێ دا هاتنە بەحسکرن و ل دووڤ بەرنامێ کابینا نەهێ یا حکومەتا هەرێما کوردستانێ دێ کار لسەر هێتەکرن.
تُتاح هذه الصورة أيضا في: کوردی