هەڤژینیا پێشوەخت و بەردان
جەمیلا حازم
هەڤژینیا پێشوەخت ئانكو پێكئینانا هەڤژینیێ ل تەمەنێ كێمتر ژ هەژدە سالیێ بۆ كور و كچان پێكڤە،ب شێوەكی گشتی ئەڤ دیاردە ل نك كچان بتر یا بەربەلاڤە، هەڤژینی نەبتنێ ناڤە ئانكو دێ كەسەكێ دی پشكداری ژیانا خۆ كەی دڤێت هزرێن خۆ بكەی نەهەرتشتەكێ هەبت دێ پشكداریێ پێ كەی.
ب شێوەكێ گشتی هەڤژینیا پێشوەخت ئەو كەسێ تەمەنێ وی ژ هەژدە سالیێ كێمتر ئانكو كەسەكێ پێنەگەهشتیە ژلایێ ژیری و لەشی ڤە، بۆ زارۆكی گرنگترین تشت خووندن و گرنگیپێدان و ئامۆژگارینە، ئەڤجا پێكئینانا هەڤژینیێ ل تەمەنەكێ بچوك زارۆكی وێران دكت چنكو ژ خووندنێ بێ بەهردكت و خەونێن وی ژناڤ دبەت و دووری هەڤالێن وی دكت و ژ گەلەك تشتێن دی بێ بەهر دكت ژبەر بچووكیا مێشكێ وان و نەشیانا وان بۆ هەلگرتنا ڤێ بەرپرسیارەتیێ گەلەك جاران هەڤژینی ل ڤی تەمەنێ بچوك ب بەردانێ ب داوی دئێت،كچ دناڤ جڤاكی دا كێم دبت و گەلەك ب زەحمەت دبت جارەكا دی هەڤژینیێ پێك بینت،هەروەسا ئەو كچێن ڤێ دیاردێ ئەنجام ددەن بێ بەهردبن ژ خووندن و زانینا پێتڤی و چەندین مافێن خۆ یێن یاسایی و دووركەفتنا وێ ژ كەسوكاران و نكارینا وێ دپەروەردەكرنا زارۆكان دا دبتە ئەگەرێ ماندیبوون و بێ ئۆمێدیێ و ئەگەر هەیە ئەو كەسە رووبەرووی چەندین ئاریشێن ئابووری ببن ژبەر نكارینا وان دكاركرن و بەرپرسیاریێ دا بۆ زارۆكان و خێزانێ.
ئەڤجا باشترین چارەسەری ئەوە ئەڤ دیاردە بێتە كێمكرن و نەمینت،ئەو ژی ب رێیا ڤەكرنا هندەك خۆلێن تایبەت بۆ رۆنكرنا هەڤژینیا پێشوەخت و حالەتێن ڤێ دیاردێ بۆ خەلكی بێنە بەحسكرن و بتر نموونە بۆ وان بێنە گۆتن داكو بتر هشیاربن.
تُتاح هذه الصورة أيضا في: کوردی