یوتیوب و زارۆك!
چنار شمو قاسم
مالپەرێ یوتیوبی یێ بەرناس كو هژمارەكا هەرە مەزن یا مرۆڤان ژ بۆ ئاسانكرنا كارێ خۆ بكار دئینن ئەڤ مالپەرە ل سالا(2005)ێ هاتیە دانان و دناڤا ڤی مالپەری دا چەندین ڤیدیویێن گرێدایی خووندن و خوارن و وەرزشێ و هەرتشتەكی توو پێتڤی بی توو دكاری ب رێیا ڤی مالپەری خۆ فێربكەی ژ هەموویێ گرنگتر تشتێن گرێدایی زارۆكان ب رێژەیەكا زۆر هاتینە بەلاڤكرن ژبەر هندێ نۆكە خێزان ب رێژەیەكا زۆر ژبۆ زارۆكێن خۆ بكاردئینن،دیسان باشی و خرابیێن بەرێخۆدانا ڤی مالپەری هەنە ژ وان ژی:ژ باشیێن بكارئینانا یوتیوبی ژبۆ زارۆكان ، زارۆك زوو فێری تشتێن پەروەردەیی دبت بۆ نموونە شووشتنا دەستان و سلاڤكرن و هتد …،هەردیسان فێربوونا پیتان و رەنگان ب رێیا سترانان، و فێربوونا سترانان ب زمانێن جوداجودا كو نۆكە زمانێ ئینگلیزی بوویە زمانەكێ ستاندەرت ل جیهانێ هەموویێ دئێتە بكارئینان ئێدی زارۆك زوو و ب شێوەكی ساناهی فێری وی زمانی دبن.
دیسان گەلەك جاران دەیك دەمەكێ درێژ دبۆرینت تاكو خوارنێ بدەتە زارۆكێن خۆ پشتی بەرێخودانا زارۆكان بۆ یوتیوبی ئێدی زارۆك خوارنێ دخۆت و بێ هەست پێ بكت یێ خوارنێ دخۆت،ژبەركو ب پێڤە دئێتە گرێدان دیسان فێربوونا دانسێ و هتد …،ئەڤە ژی بوویە ئەگەر كو هەر زارۆكەك ل تەمەنێ زارۆكینیێ دبتە خودان ئارەزوو و هیڤی و ئارمانج و حەزا وی بۆ تشتەكی دئێتە راكێشان كو خۆ ب وەستینت هەتا كو ئارمانجا خۆ بدەستخۆڤەبینت،ژ خرابیێن بكارئینانا یوتیوبی لسەر زارۆكان ژی ئەوە ژبەركو یوتیوب ب رێژەیەكا زۆر ڤیدیویێن هاتینە بەلاڤكرن و كو گەلەك جاران ڤیدیویێن شەران و یێن ب ترس و یێن سكسی دئێنە بەلاڤكرن و زارۆك بێ كو بزانت چیە ئەگەر هات و ئەڤ ڤیدیویە ڤەكرن دێ كارتێكرنەكا زۆر ل مێشكێ وان و دەروونێ وان كت،ژبەركو كێمتر ژ تەمەنێ(18) سالی نابت تەماشەیی ئەڤان ڤیدیویان بكن،دیسان ژ ئالیێ تەندرۆستی ڤە خرابە زارۆك بۆ ماوەیەكێ درێژ بەرێخو بدەتە یوتیوبی ژبەركو ئەڤە دێ كارتێكرنێ ل چاڤ و مێشكێ وی كت كو ماوەكی درێژ نائاخفت و دێ یێ بێ دەنگ بت ئەڤ چەندە دێ بتە ئەگەر كو زارۆك دەرەنگتر ژ وەختێ خۆ باخفت.
هندەك شیرەت هەنە دڤیا دەیك و باب بجهـ بینن ل دەمێ بكارئینانا یوتیوبی ، گەلەك ئاگەهـ ژ زارۆكێن خۆ هەبن ب تایبەت ئەو یوتیوبێ گرێدایی زارۆكان دانلۆد بكن (Youtube for kids)، ئەو ژی نابت بتر ژ دوو دەمژمێران زارۆك بكاربینت، هەردیسان رێ بدەنە وان بتنێ چەند ڤیدیویێن دەست نیشانكری بێنە ڤەكرن ،پێتڤیە وان كەنالێن گرێدایی زارۆكان(Subscribe)بكن داكو تووشی چ ئاریشان نەبن.
تُتاح هذه الصورة أيضا في: کوردی