كێشا تاپۆكرنا خانیێن وەلاتیێن كۆمەلگەها مەهەتێ نەهاتیە چارەكرن
تۆرا لالش:
ل كۆمەلگەها مەهەتێ كێشا تۆماركرن و تاپۆكرنا خانی و عەرد و ملكێ وەلاتیان هێشتا هەلاویستی مایە و نەهاتیە چارەكرن،ژبەر بتریا عەردێن كۆمەلگەهێ ژلایێ رژێما گۆڕبەگۆڕ ڤە یێن هاتینە كرین و ڤێ چەندێ وەلاتی دلگران كرینە.
رۆژنامەڤان(مەهدی حەسەن) ژ كۆمەلگەها مەهەتێ بۆ رۆژناما دەنگێ لالش خویاكر،ل سەردەمێ رژێما گۆڕبەگوڕ هەموو عەرد و ملكێن ئێزدیان هاتبوونە دەستەسەركرن و سەر ناڤێ عەرەبێن حەدیدی و لەهێبا ل دەڤەرا مە تۆماركربوون و عەرەب ئینانە سەر مال و ملكێن ئێزدیان ل سالا(1975)ێ ب بریارا جڤاتا سەركردایەتیا شۆرەشا ئەڤ هەر چاردە گوندێن كۆمەلگەها مەهەتێ عەرد و ملك و خانێن وان ب زۆری ژوان ستاندن و رادەستی عەرەبان كرن و ژبۆ ڤان عەرەبا گرێبەستێن چاندنێ دروستكرن و خانیێن خەلكی تاپۆ نەكرن ژبەركو دانە عەرەبان،پشتی ئازادیا عێراقێ و روخاندنا وێ رژێمێ ئەڤ عەرد و ملك و خانیێن مە وەسا مان ڤەگەریان بەلێ نەهاتن تۆماركرن و تاپۆكرن ل سەر ناڤێ مە و دبێژن پرسگرێك ماددێ(140) هەتا ئیرۆ رۆژ.
ئەو چەندە ژی ئاشكەراكر،عەردێن چاندنێ گرێبەستا هەردەمی نائێتە دروستكرن،ژبەركو دبێژن كێشە یا ل سەر ڤان عەردا هەر سال بۆ سالێ نوو دكەین،گەلەك ژ مەلاكێن مسلاوی و بەرپرسن ل سەردەمێ بەعسیا و مەلەكی ل وی سەردەمی دەستكاری یا د ملكێن ئێزدیان دا كرین و نۆكە دبێژن ئەڤ ملك و گوند یێ مەیە و سەر ناڤێن خۆ تاپۆكرینە و هەر هەیامێ جارەكێ ل دادگەهێ مختار و مەزنێن گوندا داخاز دكن،ب سوپاسی ڤە ئەگەر حكومەتا هەرێمێ هاریكار نەبا دا گەلەك ژ گوند و ملكا ژ ئێزدیان ستینن،ئەڤ عەرەبێن ل سەردەمێ سەدامی گرێبەست ب عەردێن ئێزدیان هەی هێشتا داخاز دكن و هەر گاڤەكا دەلیڤە هەبت بۆ وان دێ ئێنە سەر عەردێن مە،ژبەركو عەردێن مە بناڤێ وانن،خانێن مە هێشتا نەهاتینە تاپۆكرن ل سەر حكومەتا هەرێمێ نە و حكومەتا عێراقێ ئەو ژی هێشتا بریارێن جڤاتا سەركردایەتیا شۆرەشا بەعسا ئەڤ بریار هاتینە دان كو نابت مال یان خانی بناڤێ ئێزدیان بێنە تاپۆكرن مەبەستا وان ژی بڤێ بریارێ دا ڤان خانیا بدەنە عەرەبان.
دووپاتكر ژی ڤێ چەندێ ژی زەرەر و زیان گەهاندیە خەلكێ مە ژبەركو جۆتیارێن مە نكارن چوو پرۆژێن خزمەتگۆزاری لسەر عەردێن خۆ دروستكەن،ژبەر گرێبەستێن چاندنێ دبەروەختن نە یێت هەر و هەرن یاسا رێ نادەت، ملك ژی كێشە یا لسەر هەی و بتریا عەردێن كۆمەلگەها مەهەتێ رژێما گۆڕبەگۆڕ یێن كرین و باژێرڤانی و هەتا نۆكە كەس نكارت دەستكاریێ تێدا بكت دبێژن ژبەر ماددێ(140)،گەلەك جاران جوتیارێن مە پێتڤی قەرزەكی چاندنێ یان كارەكی بن خانی نینە تاپۆ كەت ژبەركو خسنی نەیێ وییە.
تُتاح هذه الصورة أيضا في: کوردی