دو ليوا د ناڤبهرا پێشمهرگهى و سوپايێ ئيراقێ دا دێ هێنه چێكرن
گاڤ نيوز
وهزارهتا پێشمهرگهى راگههاند، ئهو ل گهل وهزارهتا بهرگريا ئيراقێ رێككهفتينه بۆ پێكئينانا دو ليوايێن ههڤپشك ژ سوپايێ ئيراقێ و هێزێن پێشمهرگهى و ئهركێ وان ژى هاتيه دياركرن.
سالا بۆرى بهغدا و ههولێر گههشتبوونه رێككهفتنێ بۆ دروستكرنا چار سهنتهرێن ههڤكاريێ بۆ لێكگوهارتنا زانياريان بۆ بهرهنگاريا تيرۆرستێن داعشێ و پڕكرنا ڤالاهيا ئێمناهيێ د ناڤبهرا سوپايى و پێشمهرگهى دا.
فهريق جهمال ئێمينكى، سهرۆك ئهركانێ هێزێن پێشمهرگهى بۆ گاڤ نيوز گۆت: ههر دو وهزارهتێن پێشمهرگهى و بهرگريا ئيراقێ بڕيار داينه دو ليوايێن ههڤپشك د ناڤبهرا هێزێن پێشمهرگهى و سوپايێ ئيراقێ دا بهێنه دروستكرن و دێ ئهركێ وان ژ خانقين تا رۆژئاڤا ديجله بيت.
ئێمينكى دياركر، ئهو سهنتهرێن ههڤكاريێ يێن پێشتر د ناڤا هێزێن پێشمهرگهى و سوپايى دا هاتينه دروستكرن ب دروستى كارێ خۆ دكهن و تا نوكه چ كێشه دروست نهبووينه.
تُتاح هذه الصورة أيضا في: کوردی